વાંકાનેર તાલુકાના અદેપર ગામની સીમમાંથી જાહેરમાં જુગાર રમતા ચાર ઝડપાયાં….

January 6, 2023

વાંકાનેર તાલુકાના અદેપર ગામની સીમમાં વાંકાનેર તાલુકા પોલીસ દ્વારા જુગારનો દરોડો પાડી જાહેરમાં જુગાર રમતા ચાર શખ્સને રોકડ રકમ રૂ. 17,100 સાથે ઝડપી પાડી તમામ સામે જુગારધારાની કલમ હેઠળ ગુનો નોંધી ધોરણસરની કાર્યવાહી હાથ ધરી હતી…

બનાવની પ્રાપ્ત વિગતો મુજબ વાંકાનેર તાલુકા પોલીસ ટીમ પેટ્રોલિંગમાં દરમિયાન વાંકાનેર તાલુકાના અદેપર ગામની સીમમાં આવેલ તળાવના કાંઠે જુગારનો દરોડો પાડી જાહેરમાં જુગાર રમતા ૧). રમેશભાઇ મીઠાભાઇ મેર (રહે.નાળીયેરી તા.ચોટીલા), ૨). રમેશભાઇ ઉર્ફે દેવો માવજીભાઇ ચૌહાણ (રહે.સરોડી તા.થાનગઢ),

૩). છગનભાઇ રામજીભાઇ ગોરીયા (રહે.સતાપર તા.વાંકાનેર) અને ૪). વનાભાઇ ગેલાભાઇ મેર (રહે.સતાપર)ને તીનપત્તીનો હારજીતનો નસીબ આધારીત જુગાર રમતા રોકડ રકમ રૂ. 17,100 સાથે ઝડપી પાડી ધોરણસરની કાર્યવાહી હાથ ધરી હતી…