વાંકાનેરમાં સામાન્ય બાબતે બે પડોશીઓ વચ્ચે ઝઘડો થયો હતો જેમાં ગાળો બોલવાની ના પાડતાં ઉશ્કેરાયેલા પાડોશી શખ્સે યુવાન ઉપર લોખંડના પાઈપથી હુમલો કર્યો હોવાનો બનાવ સામે આવ્યો છે. આ બનાવ અંગે યુવાને પોલીસમાં ફરિયાદ નોંધાવતા વાંકાનેર શહેર પોલીસે આરોપી સામે ગુનો નોંધી વધુ તપાસ હાથ ધરી છે…
બનાવની પ્રાપ્ત વિગતો મુજબ ફરિયાદી હિતેષભાઇ માવજીભાઇ સનુરા (ઉ.વ 36, રહે- નવાપરા, પંચાસર રોડ, વિધાતા પોટરી સામે, વાંકાનેર)એ આરોપી કાનજી છનાભાઇ કોળી (રહે. નવાપરા, પંચાસર રોડ, વાંકાનેર) સામે ફરિયાદ નોંધાવી હતી કે, તા.૭ ના રોજ રાત્રીના આશરે નવેક વાગ્યાની આસપાસ ફરીયાદીના માતા શેરીમાં તેમના પાડોશીના ઘરે પાણી ભરવા ગયેલ હોય ત્યારે
આરોપી પોતાના ઘર પાસે બેઠેલ હોય અને ફરિયાદીના માતા ત્યાંથી નીકળેલ ત્યારે ગાળો બોલતો હોય જેથી ફરિયાદીએ ત્યાં જઈને ગાળો બોલવાની ના પાડતા આરોપી એકદમ ઉશ્કેરાઇ જઈ ફરિયાદી સાથે ઝપાઝપી કરી તેમજ પાઇપનો એક ઘા માથામાં મારી ઇજા કરી તેમજ સાહેદ વચ્ચે પડતા તેઓને કપાળના ભાગે મુંઢ ઇજા કરી ફરિયાદીને જાનથી મારી નાખવાની ધમકી આપી હતી. આ બનાવમાં યુવાનની ફરિયાદ પરથી વાંકાનેર શહેર પોલીસે આરોપી સામે ગુનો નોંધી ધોરણસરની કાર્યવાહી હાથ ધરી છે…
વાંકાનેર શહેર અને સમગ્ર તાલુકાના સમાચારો ઝડપથી અને સત્ય સાથે મેળવવા માટે ” ચક્રવાત ન્યુઝ ” સાથે જોડાઓ….
👉🏻 નિચેની લિંક પર ક્લિક કરી અમારી સાથે જોડાઓ અને આ લિંકને વાંકાનેર વિસ્તારના દરેક ગ્રુપમાં share કરો….👇🏻
https://chat.whatsapp.com/E0Grl1IdoJIGSEz14imJmi
