વાંકાનેર તાલુકા પંચાયતના પૂર્વ પ્રમુખ પતિ, ભાજપ અગ્રણી અને વઘાસીયા ગામના સરપંચ ધર્મેન્દ્રસિંહ ઝાલા, પાટીદાર અગ્રણીના પુત્ર અમરશી પટેલ સહિત પાંચ શખ્સો સામે ફરિયાદ નોંધાઈ….

વાંકાનેર શહેર નજીક ખાનગી રીતે ચાલતાં બોગસ વઘાસીયા ટોલનાકા પ્રકરણ બાબતે આજે સવારથી વાંકાનેર શહેરમાં સમગ્ર ગુજરાતમાંથી મિડિયા મિત્રોએ ધામા નાંખ્યા હોય, જેમાં અહી છેલ્લા દોઢ વર્ષ તંત્રની મીઠી નજર હેઠળ સરકારી ટોલનાકાને બાયપાસ કરી ખાનગી માલિકીની જમીનમાં રસ્તો બનાવી કેટલાક માથાભારે શખ્સો દ્વારા ખાનગી ટોલનાકું ઉભું કરી વાહન ચાલકો પાસેથી ખાનગી ટોલ ઉઘરાણીનો પર્દાફાશ થતાં ભારે હોબાળો મચી ગયો છે, જે પ્રકરણમાં આજે પાંચ શખ્સો સામે નામજોગ પોલીસ ફરિયાદ નોંધાઈ છે, જેમાં ભાજપ અગ્રણી તથા પાટીદાર અગ્રણીના પુત્ર સહિતના મોટામાથાઓનો સમાવેશ થતાં ખળભળાટ મચી ગયો છે…

બાબતે પ્રાપ્ત માહિતી મુજબ વાંકાનેર નજીક વઘાસીયા પાસે છેલ્લા દોઢ વર્ષ કરતાં વધારે સમયથી સરાજાહેર ચાલતા ખાનગી બોગસ ટોલનાકા પ્રકરણ મામલે પોલીસ કર્મચારી યશપાલસિંહ પરમારએ ફરિયાદી બની વાંકાનેર સિટી પોલીસમાં ફરિયાદ નોંધાવી છે કે, વાંકાનેર શહેર નજીક આવેલા વઘાસીયા ટોલનાકાની બાજુમાં પુર્વ દિશાએ આવેલ વ્હાઇટ હાઉસ સિરામીક ફેક્ટરી છેલ્લા દોઢ વર્ષથી બંધ હાલતમાં હોય, જેમાં વ્હાઇટ હાઉસ સીરામીકના શેઠ ૧). અમરશીભાઇ જેરામભાઇ પટેલ, વઘાસીયા ગામના ૨). રવિરાજસિંહ વનરાજસિંહ ઝાલા તથા ૩). હરવિજયસિંહ જયુભા ઝાલા તથા તેના મળતીયા માણસો ભેગામળી કારખાનામાં વઘાસીયા ટોલનાકુ બાયપાસ થઇ જાય તેવી રીતે ગેરકાયદેસર રસ્તો બનાવી વાહનચાલકોને બળજબરીથી અહીંથી પસાર કરી તેમની પાસે મરજી મુજબ ટોલપ્લાઝા દ્રારા નિયત કરેલ દર કરતાં ઓછો ટોલ ઉઘરાવી ગેરકાયદેસર કૃત્ય કરી બામણબોર ટોલવેઝ પ્રા.લી.ને આર્થિક નુકશાન પહોંચાડી પોતે આર્થિક લાભ મેળવતા હતા….

આ સાથે જ વાંકાનેર તાલુકા પંચાયતના પૂર્વ પ્રમુખ પતિ, ભાજપ અગ્રણી અને વઘાસીયા ગામના સરપંચ ધર્મેન્દ્રસિંહ બહાદુરસિંહ ઝાલા તથા તેનો ભાઇ યુવરાજસિંહ બહાદુરસિંહ ઝાલા વઘાસીયા ગામમાં ટોલનાકું બાયપાસ થાય તે રીતે ગેરકાયદેસર રસ્તો બનાવી વાહનચાલકો પાસેથી ખોટી રીતે નાણાં વસૂલી સરકાર દ્રારા સંચાલીત વઘાસીયા ટોલનાકા ઉપર ટોલ ઉઘરાવાની સતા ધરાવતી બામણબોર ટોલવેઝ પ્રા.લી.ને આર્થિક નુકશાન પહોંચાડી રહ્યા હતા…

જેથી આ બાબતે કોઇપણ જાતની સતા કે અધિકાર વગર આરોપીઓએ પોતે બનાવેલ ગેરકાયદેસર રસ્તા ઉપરથી મોરબી-વાંકાનેર નેશનલ હાઇવે ઉપર પસાર થતા વાહનોને બળજબરીથી લઇ જઇ આ વાહનોને ટોલપ્લાઝા બાયપાસ કરાવી ગેરકાયદેસર રીતે પહોંચ આપ્યા વગર પોતાની મરજી મુજબ ટોલની ઉઘરાણી કરી સરકાર દ્રારા સંચાલીત ટોલ કંપની તથા ખાનગી વાહનચાલકો સાથે છેતરપીંડી કરતાં આરોપી ૧). અમરશીભાઇ જેરામભાઈ પટેલ (વ્હાઇટ હાઉસ સિરામીકના ઓથોરાઈઝ), ૨). રવિરાજસિંહ વનરાજસિંહ ઝાલા (રહે. વઘાસીયા), ૩). હરવિજયસિંહ જયુભા ઝાલા (રહે. વઘાસીયા), ૪). ધર્મેન્દ્રસિંહ બહાદુરસિંહ ઝાલા (રહે. વઘાસીયા), ૫). યુવરાજસિંહ બહાદુરસિંહ ઝાલા (રહે. વઘાસીયા) અને તેમની સાથેના અજાણ્યા માણસો સામે પોલીસે આઇપીસી કલમ 384, 406, 320, 506(2), 34 મુજબ ગુનો નોંધી બનાવની વધુ તપાસ શરૂ કરી છે…

અત્રે ઉલ્લેખનીય છે કે, આ બનાવમાં આરોપી ધર્મેન્દ્રસિંહ ઝાલા વાંકાનેર તાલુકા પંચાયતના પૂર્વ પ્રમુખના પતિ, ભાજપ અગ્રણી અને વઘાસીયા ગામના સરપંચ હોય તેમજ આરોપી અમરશીભાઇ પટેલ ઉમિયાધામ સંસ્થા-સિદસરના પ્રમુખ જેરામભાઈ પટેલના પુત્ર હોય, જેથી આ રાજકીય તથા સામાજિક મોટા માથાઓ સામે આગામી સમયમાં કડકમાં કડક કાર્યવાહી કરશે કે કેમ તે પ્રશ્ન લોકમુખે ચર્ચાઇ રહ્યો છે….

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/HSBIa43XQiaFWG9yQhudCV

વોકલ ફોર લોકલ અભિયાનને આગળ ધપાવવાથી નાના ઉદ્યોગકારોને ખૂબ ફાયદો થશે…

દેશમાં સ્થાનિક ધંધાર્થીઓ અને નાના વેપારીઓને સહકાર આપવાના હેતુથી જ્યારે ‘વોકલ ફોર લોકલ’ અભિયાનને ચોમેરથી પ્રોત્સાહન મળી રહ્યું છે, ત્યારે ચાલો આપણે સૌ પણ આ પહેલમાં જોડાઈ અને આ તહેવારોની સિઝનમાં સ્થાનિક બજારોમાંથી જ નાના વેપારીઓ, લારી ધારકો અને ફેરીયાઓ પાસેથી વસ્તુ ખરીદી તેમના પરિશ્રમને અજવાળીએ. હાલ દિવાળીનો તહેવાર આવી રહ્યો છે, ત્યારે આ તહેવારોની ખરીદી માટે આપણે સૌ સાથે મળી આપણી આજુબાજુ રોજીરોટી માટે મહેનત કરતા નાના વર્ગના લોકો અને સ્થાનિક વેપારીઓ પાસેથી જ વસ્તુ ખરીદવા આગ્રહ રાખવો જોઈએ…

પ્રકાશ પર્વ એવો દિવાળીનો તહેવાર ટૂંક સમયમાં જ આવી રહ્યો છે અને તહેવાર માટેની ખરીદીનો ધમધમાટ શરૂ થઈ ગયો છે. ત્યારે આ વખતે એક દ્રઢ નિશ્ચય કરીએ કે, કોઈપણ વસ્તુની ખરીદી વિદેશી સાઇટ્સ કે શોરૂમમાંથી કરવા કરતાં સ્થાનિક બજારો માંથી જ કરીશું. દિવાળીને પ્રકાશનો પર્વ કહેવામાં આવે છે ત્યારે દિવાળીમાં દીપકનું સવિશેષ મહત્વ રહેલું છે.

ગૃહ ઉદ્યોગ અને નાના વેપારીઓ પાસેથી લીધેલો આ એક દીવડો બે ઘરમાં અજવાળું પાથરે છે. આપણે દીવડો લઈ અને ઘરે પ્રજ્વલિત કરીએ ત્યારે ઘરે તો એ અજવાળું કરે જ છે પરંતુ સાથે સાથે જે ગૃહ ઉદ્યોગ પાસેથી કે વેપારી પાસેથી દીવડા સહિતની ખરીદી કરી છે, તેમના ઘરે અને તેમની સાથે જોડાયેલા નાના એવા કારીગરોના ઘરે પણ પ્રકાશનું કિરણ પથરાય છે….

તો ચાલો આપણે સૌ મળી અને આજુબાજુના લોકો સાથે મળી તહેવારોની ઉજવણી કરીએ….

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/Bq4pI92ve21LIWD7MA3Ibf

વાંકાનેરમાં શિક્ષણ ક્ષેત્રે વધુ એક ભ્રષ્ટાચારની પોલ : શિક્ષણાધિકારી પત્નીના મૃત્યુ પછી બીજા લગ્ન કર્યા બાદ પણ મૃતક પત્નીના નામે છેલ્લા 10 વર્ષથી વિધુર પેન્શનનો ખોટો પગાર મેળવી રહ્યા હોવાના આક્ષેપ…

વાંકાનેર તાલુકાના ઇન્ચાર્જ શિક્ષણ અધિકારી અને પાંચદ્વારકા પ્રાથમિક શાળાના આચાર્ય મંગુભાઇ પટેલ તેમની શિક્ષક પત્નીના મૃત્યુ બાદ રીમેરેજ હોવા છતાં મૃતક પત્નીના નામે વિધૂર પેન્શન મેળવી ગેરરીતી આચરતા હોવાનો ઘટસ્ફોટ થતાં આ મુદ્દો શિક્ષણ વિભાગમાં ટોક ઓફ ધી ટાઉન બન્યો છે, જે બાબતે જીલ્લા તિજોરી કચેરી દ્વારા શિક્ષણાધિકારીને નોટિસ આપી સાત દિવસમાં ખુલાસો કરવા જણાવાયુ છે…

બાબતે પ્રાપ્ત માહિતી વાંકાનેર તાલુકા શિક્ષણાધિકારીના મંગુભાઇ પટેલના પત્ની ઇન્દુબેન ઉત્તમભાઈ પટેલ (અમરસર પ્રાથમિક શાળા) વર્ષ ૨૦૧૩માં અવસાન પામ્યા હોય, જેથી પતિ મંગુભાઈ જે. પટેલને કુટુંબ પેન્શન તા. ૧૭/૦૮/૨૦૧૩થી પેન્શન શરૂ થયું હતું. જે બાદ મંગુભાઈ પટેલે બીજા લગ્ન કર્યા હોય અને હાલ તેમને પાંચ વર્ષનો એક દિકરો પણ હોય પરંતુ તેઓ તંત્રને અંધારામાં રાખી હાલ પણ
ગુજરનાર શિક્ષિકા પત્નીનું પેન્શન મેળવી રહ્યા છે. જેથી આ બાબતે જીલ્લા તિજોરી કચેરી દ્વારા અગાઉ સંદર્ભદર્શીત પત્રથી શિક્ષણાધિકારી પાસે ખુલાસો માગ્યો હોય પરંતુ બાબતે તેમણે કોઈ સ્પષ્ટતા ન કરતાં આખરે જીલ્લા તિજોરી કચેરી દ્વારા તેમને નોટીસ ફટકારી સાત દિવસમાં પ્રતિષ્ઠિત વ્યક્તિના પ્રમાણપત્ર તથા જરૂરી આધાર પુરાવા સાથે સ્પષ્ટતા કરવા જણાવાયું છે.

બાબતે સુત્રો પાસેથી મળતી માહિતી મુજબ વાંકાનેર તાલુકા શિક્ષણાધિકારી સામે વહિવટી તંત્ર દ્વારા તપાસ સમિતિની રચના કરવામાં આવી હોય, જે સમક્ષ પોતે પુનઃ લગ્ન ન કર્યાનો દાવો કરતા શિક્ષણાધિકારી કોઈ નક્કર પુરાવા રજૂ કરવામાં નિષ્ફળ ગયા હોય, બાબતે ટુંક સમયમાં જ સમિતિના રિપોર્ટ બાદ તેમની સામે કડકમાં કડક પગલાં લેવામાં આવી શકે છે…

અત્રે ઉલ્લેખનીય છે કે હાલ વાંકાનેર વિસ્તારમાં શિક્ષણ ક્ષેત્રે ભ્રષ્ટાચારના મુદ્દે તપાસ ચાલી રહી હોય, તેમાં પણ વધુ એક ભ્રષ્ટાચારની પોલ ખુલતા હાલ આ મુદ્દો વાંકાનેરના શિક્ષણ વિભાગમાં ટોક ઓફ ધ ટાઉન બન્યો છે…

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/Bq4pI92ve21LIWD7MA3Ibf

પુત્રના રસ્તે પિતા ? : નવઘણભાઈ હાલ માત્ર સદસ્ય પદ રદ ન થાય તે માટે જ કોંગ્રેસમાં, બાકી તો ભગવા રંગે રંગાયાનો કોંગ્રેસ અગ્રણીઓના ગંભીર આક્ષેપની ચોમેર લોક-ચર્ચા…: કોંગ્રેસ દ્વારા કાયદેસરની કાર્યવાહી શરૂ કરાઇ….

મોરબી જિલ્લાના રાજકારણમાં ફરી ગરમાવો આવ્યો છે, જેમાં સતત ચાર વખતથી કોંગ્રેસનાં બેનર હેઠળ જીલ્લા પંચાયતમાં ચૂંટાતા મહિકા જીલ્લા પંચાયત સીટના સદસ્ય નવઘણભાઈ મેઘાણી પણ પુત્રના રસ્તે ચાલી ભગવા રંગમાં રંગાયાની ચોમેરથી ચર્ચાઓ થઈ રહી છે. બાબતે આજે યોજાયેલ મોરબી જિલ્લા પંચાયતની ચૂંટણીમાં કોંગ્રેસ તરફથી ઉપપ્રમુખ પદ માટે મહેશભાઈએ ઉમેદવારી નોંધાવ્યા બાદ તમામ દસ સદસ્યોને કોંગ્રેસ દ્વારા વ્હીપ બજાવી આજની ચુંટણીમાં ઉપસ્થિત રહી અને કોંગ્રેસના ઉમેદવાર તરફી મતદાન કરવા માટે જણાવવામાં આવ્યું હતું, પરંતુ નવઘણભાઈ મેઘાણી દ્વારા આ વ્હીપનો અનાદર કરી આજની ચુંટણી સૂચક રીતે ગેરહાજર રહેતા કોંગ્રેસ દ્વારા તેમની સામે કાયદેસરની કાર્યવાહી શરૂ કરાશે તેવું કોંગ્રેસ અગ્રણીઓએ જણાવતા રાજકારણમાં ગરમાવો આવ્યો છે…

બાબતે છેલ્લી ચાર ટર્મથી વાંકાનેરમાં કોંગ્રેસના બેનર હેઠળ ચુંટણી લડી અને જીલ્લા પંચાયતના સદસ્ય તરીકે ચૂંટાતા નવઘણભાઈ મેઘાણીના પુત્ર અશ્વિનભાઈ મેઘાણી વિધાનસભાની ચૂંટણી સમયે કોંગ્રેસમાંથી બળવો કરી ભગવા રંગે રંગાઈ ભાજપમાં ભળી ગયા હતા, પરંતુ પિતા નવઘણભાઈ મેઘાણી પોતે કોંગ્રેસમાં જ હોવાનું જણાવી રહ્યા છે, જે બધા વચ્ચે આજે યોજાયેલ મોરબી જિલ્લા પંચાયતના ઉપપ્રમુખની ચૂંટણી કોંગ્રેસ તરફથી મહેશભાઈ પારજીયાને ઉમેદવાર બનાવી તમામ સદસ્યોને આજની ચુંટણીમાં ઉપસ્થિત રહી કોંગ્રેસ તરફી મતદાન કરવા માટે વ્હીપ આપવામાં આવેલ, જેમાં છેલ્લા ઘણા સમયથી કોંગ્રેસ પક્ષ તથા તેમના નેતાઓથી અળગા રહેતા નવઘણભાઈ મેઘાણી સતત સંપર્કથી દુર રહેતા ગતરાત્રીના આ વ્હીપની બજવણી માટે કોંગ્રેસ અગ્રણી કિશોરભાઈ ચિખલીયા, મહેશભાઈ પારજીયા તથા ભુપતભાઇ ગોધાણી તેમના ઘરે પહોંચતા તેઓ ઘરેથી નીકળી ગયા હતા અને વ્હીપનો સ્વિકાર કર્યો નહોતો, જે બાદ આજે યોજાયેલ ચૂંટણીમાં તેઓ જીલ્લા પંચાયત ખાતે પહોંચી અને એકાએક મતદાન સમયે ગાયબ થઈ અને વ્હીપનો અનાદર કર્યો હતો…

બાબતે કોંગ્રેસ અગ્રણીઓએ શું કહ્યું….

જે બાબતે ચક્રવાત ન્યુઝ દ્વારા જીલ્લા પંચાયત વિરોધ પક્ષના નેતા ભુપતભાઇ ગોધાણી તથા જીલ્લા કોંગ્રેસ કાર્યાલય ખાતે કે. ડી પડસુંબીયા સાથે ટેલિફોનિક વાતચીત કરતા બાબતે તેમણે જણાવ્યું હતું કે, સતત કોંગ્રેસ અને તેમના અગ્રણીઓના સંપર્કથી દુર રહેતા નવઘણભાઈ આજે 11:30 સુધી જીલ્લા પંચાયત કચેરીના પરિસરમાં હોય પરંતુ મતદાન સમયે અચાનક તેઓ ગાયબ થઇ ગયા હતા. જેથી આજની ચુંટણીમાં કોંગ્રેસના વ્હીપનો અનાદર કરતા પક્ષ દ્વારા તેમને આ ગંભીર બેજવાબદાર બદલ નોટીસ ફટકારી આગળની કાર્યવાહી કરવામાં આવશે…

બાબતે નવઘણભાઈ શું કહ્યું…

બાબતે ચક્રવાત ન્યુઝ દ્વારા નવઘણભાઈ મેઘાણી સાથે ટેલિફોનિક વાતચીત કરતા તેમણે પોતે અચાનક બિમાર થતાં આજની ચુંટણીમાં ગેરહાજર રહ્યા હોવાનું જણાવી ડોક્ટરે વધારે વાત કરવાની ના પાડી હોવાનું જણાવી પોતાની વાત પૂરી કરી હતી….

અત્રે ઉલ્લેખનીય છે કે, નવઘણભાઈ મેઘાણી અગાઉ ભાજપમાંથી જીલ્લા પંચાયતમાં ચુટાઇ અને વિઠ્ઠલભાઇ રાદડીયાની આગેવાનીમાં કોંગ્રેસમાં પક્ષપલટો કરી રાજકોટ જીલ્લા પંચાયતના ઉપપ્રમુખ બન્યા હતા, તેવી જ રીતે તેમના પુત્ર અશ્વિનભાઈ મેઘાણી પણ તાજેતરમાં જ વાંકાનેર યાર્ડમાં કોંગ્રેસ પેનલમાંથી ચૂંટાઇ અને ભાજપમાં જોડાયા છે, અને હવે પિતા પણ પુનઃ ઈતિહાસ દોહરાવા જઇ રહ્યો હોવાનું લોક ચર્ચામાંથી જાણવા મળી રહ્યું છે…

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/Bq4pI92ve21LIWD7MA3Ibf

ધારાસભ્યએ અત્યાર સુધી મામુલી રકમથી મેળાનું ગ્રાઉન્ડ મળતીયાઓને આપી નગરપાલિકાને નુકશાની કર્યાના આક્ષેપ….

વાંકાનેર ખાતે જન્માષ્ટમીના મેળા માટેનું ગ્રાઉન્ડ નગરપાલિકા દ્વારા જાહેર હરાજીથી રૂ. 19.50 લાખમાં ફરોજભાઈ ઠાસરીયા નામના અરજદારને આપવામાં આવેલ હોય, જેમાં વાંકાનેરના ધારાસભ્ય દ્વારા આ મેળામાં ભાવ બંધણું કરવા પ્રાંત અધિકારીને લેખિતમાં રજૂઆત કરી હતી, જેની સામે મેળાના આયોજન દ્વારા પ્રાંત અધિકારીને લેખિતમાં રજૂઆત કરી ધારાસભ્ય પર ગંભીર આક્ષેપો કરાતાં વાંકાનેર વિસ્તારમાં ફરી ગરમાવો આવ્યો છે…

બાબતે મેળા આયોજકે પોતાની રજૂઆતમાં ધારાસભ્ય પર ગંભીર આક્ષેપ કરી જણાવ્યું છે કે, વર્ષ 2012 થી 2021 સુધી ધારાસભ્ય દ્વારા પાલિકામાં વિવિધ હોદ્દાઓ તથા સત્તાથી વહિવટ કરી જન્માષ્ટમી મેળા માટેનું ગ્રાઉન્ડ પોતાના મળતીયાઓને મામુલી રકમથી આપી નગરપાલિકાની તિજોરીને મોટું નુકસાન કરેલ હોય, જેની તપાસ કરવા માંગ કરી છે. જે બાબતે વિરોધ થતાં છેલ્લા બે વર્ષથી મેળાનું ગ્રાઉન્ડ જાહેર હરાજીથી તંદુરસ્ત હરીફાઈ સાથે ઉંચી રકમથી વેચાતાં નગરપાલિકાને મોટો ફાયદો થયો છે….

આ સાથે જ ધારાસભ્ય દ્વારા ગયા વર્ષે પણ કિરણ સિરામીકના ગ્રાઉન્ડમાં પ્રાઇવેટ મેળો કરવા માંગતા હોય, જેની વહિવટી તંત્ર દ્વારા મંજૂરી નહીં આપતાં મેળો રદ કરવામાં આવ્યો હતો, જે બાદ પુનઃ આ વર્ષે ફરી જન્માષ્ટમીનાં ધાર્મિક મહત્વ સાથેના મેળા સામે આ જ સ્થળે ફરી પ્રાઇવેટ મેળો કરવાની ધારાસભ્યએ તૈયારી કરતા બાબતે વાંકાનેરની જનતાની ધાર્મિક લાગણીને ધ્યાનમાં રાખી યોગ્ય તપાસ કરી આ મેળાને મંજૂરી નહીં આપવા પ્રાંત અધિકારી સમક્ષ માંગ કરવામાં આવી છે…

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/CkI9EQ2Ab9qDOE7w5Vr0Lt

શાળા સામે ચાલતા હાટડાથી વિદ્યાર્થીઓ અને સમાજ પર શું અસર પડશે ? : બે વર્ષથી નિદ્રાધીન વાંકાનેર પોલીસને જગાડવા શાળાએ લેખિતમાં રજૂઆત કરી…

વાંકાનેર શહેરમાં રીતસર દારૂબંધીના ધજાગરા ઉડાતો બનાવ સામે આવ્યો છે, જેમાં વાંકાનેરની એક ખાનગી શાળાની સામે છેલ્લા બે વર્ષથી ચાલતા દેશી દારૂના હાટડાથી કંટાળી આખરે શાળા સંચાલકો દ્વારા નિદ્રાધીન પોલીસને લેખિતમાં અરજી કરી વિદ્યાર્થીઓની સુરક્ષાને ધ્યાનમાં રાખી આ દેશી દારૂનો હાટડા બંધ કરવા રજૂઆત કરતા ખળભળાટ મચી ગયો છે…

બાબતે વાંકાનેરની નિર્મલા કોન્વેન્ટ સ્કુલના સંચાલકો દ્વારા આજે વાંકાનેર સીટી પોલીસ અને મોરબી જિલ્લા પોલીસ અધિક્ષકને અરજી કરતા પત્ર સાથે મિડિયાને બાબતની માહિતી આપતા જણાવ્યું હતું કે, છેલ્લા બે વર્ષથી અમારી શાળા સામે દેશી દારૂના હાટડા ધમધમી રહ્યા છે, જે બાબતે અનેક વાર હાટડા સંચાલકોને ગેરકાયદેસર પ્રવૃત્તિઓ બંધ કરાવવા જણાવ્યા બાદ પણ આ હાટડા શરૂ રહ્યા છે. આ બધા વચ્ચે રોજબરોજ ચાલતી આ અસામાજિક પ્રવૃત્તિઓના કારણે શાળાના બાળકો પર કોઈ વિપરીત અસર પડે અથવા કોઈ અઘટિત ઘટના બને તે પુર્વે આ દેશી દારૂનાં હાટડા બંધ કરાવવા અનિવાર્ય બન્યાં છે….

પ્રિન્સીપાલ દ્વારા વાલી મિટિંગમાં વાલીઓને જાણ કરી સાવચેત રહેવા અપીલ કરવી પડી…

બાબતે ગઇકાલે શાળા દ્વારા ખાસ આ મુદ્દે વાલી મિટિંગ બોલાવી અને શાળા સામે ચાલતી આ અસામાજિક પ્રવૃત્તિઓ વિશે માહિતી આપી અને વાલીઓને સાવચેત રહેવા જણાવ્યું હતું, જે બાદ જાગૃત વાલીઓ દ્વારા બાબતની જાણ ચક્રવાત ન્યુઝ સમક્ષ કરતાં પ્રશ્ન ઉજાગર થયો છે. આ સાથે જ જાગૃત વાલીઓ દ્વારા શાળા સામે ચાલતા દેશી દારૂના હાટડા પર જનતા રેડ કરવાની પણ તૈયારીઓ દર્શાવી છે…

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/JaNtfP7Okw09RVWit8eWD1

ગઇકાલે યુવાનોના વિડિયો સોસીયલ મિડિયામાં વાયરલ થયા બાદ પોલીસે બંને યુવાનોને ઝડપી લીધા….

વાંકાનેર શહેર નજીક હાઇવે પર પોતાના અને બીજાના જીવને જોખમમાં મૂકી બાઇક સ્ટંટ કરતાં બે યુવાનોના વિડિયો ગઇકાલે સાંજના સોસીયલ મિડિયામાં વાયરલ થયા બાદ પોલીસ દ્વારા 24 કલાકમાં જ આ બંને સ્ટંટબાજ યુવકોને તેના સોસીયલ મિડિયા એકાઉન્ટ પરથી તપાસ કરી ઝડપી લીધા બાદ કાયદાનું ભાન કરાવાયું હતું…

બનાવની પ્રાપ્ત વિગતો મુજબ વાંકાનેર શહેર નજીક હાઇવે પર સાંજના સમયે બે યુવાનો દ્વારા પોતાના અને બીજાના જીવને જોખમમાં મૂકી બાઇક સ્ટંટ કરતાં વિડિયો સોસીયલ મિડિયામાં વાયરલ થયા હતા, જે બાદ પોલીસ દ્વારા Raider_king_09 નામના ઈન્સ્ટાગ્રામ એકાઉન્ટ પર અપલોડ કરેલ વિડિયોના આધારે તપાસ કરી જોખમી બાઈક સ્ટંટ કરનાર સચીનભાઈ ભગવાનજીભાઈ જાદવ (રહે. દિગ્વિજયનગર, વાંકાનેર) અને રેહાન રમજાનભાઈ કટીયા (રહે. નવાપરા, વાંકાનેર)ને બાઇક સાથે ઝડપી પાડી બંને યુવકોને કાયદાનું ભાન કરાવી તેની વિરુદ્ધ મોટર વ્હીકલ એક્ટ 207 હેઠળ કાર્યવાહી કરી હતી…

વાંકાનેર તાલુકા પોલીસની આ કામગીરીમાં પીએસઆઇ બી. પી. સોનારા, હેડ કો. વી. એન. સારદીયા, ચમનભાઈ ચાવડા, કો. હરિશ્ચંદ્રસિંહ ઝાલા, રવીભાઈ કલોત્રા, વિજયભાઈ ડાંગર, અજયસિંહ ઝાલા સહિતનો પોલીસ સ્ટાફ જોડાયો હતો…

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/JaNtfP7Okw09RVWit8eWD1

અનેક પોલીસ અધિકારીઓ બદલાયા પરંતુ હાઇવે જકાતનાકે ગેરકાયદેસર રિક્ષા અને ઈકોનો જમાવડો થયાવત…

વાંકાનેર સીટી પોલીસ મથકમાં ‘ કડક અધિકારી ‘ તરીકેની છાપ ધરાવતા અનેક પોલીસ અધિકારીઓ બદલાયા પરંતુ વાંકાનેર શહેરની ટ્રાફિક સમસ્યા જૈસે થે જ રહી છે, જેમાં વાંકાનેર હાઇવે જકાતનાકની વાત કરીએ તો અનેક રજૂઆતો બાદ પણ આજ સુધી વાંકાનેરના કોઈ પણ કડક અધિકારી દ્વારા અહીં માથાભારે રિક્ષા અને ઈકો ચાલકો દ્વારા ગેરકાયદેસર કરવામાં આવતા વાહન પાર્કિંગ અને પેસેન્જર ભરવા બાબતે કોઈ કામગીરી કરવામાં આવી નથી….

હાઇવેની ચારે બાજુ રિક્ષા અને ઈકોના જમાવડા વચ્ચે પોલીસ બાઈક ચાલકોની પાવતી ફાડવામાં વ્યસ્ત…

બાબતે વાંકાનેર શહેરના હાઇવે જકાતનાકે મોરબી તરફ, ચોટીલા તરફ અને વાંકાનેર શહેર તરફ એમ ચારે બાજુના રોડ પર માથાભારે ઈકો અને રિક્ષા ચાલકોનો જમાવડો જોવા મળે છે. આ રિક્ષા અને ઈકો ચાલકો હાઈવેના ચારે બાજુના રોડ પર કબ્જો જમાવી રોડ વચ્ચેથી પેસેન્જરો ભરતા હોય છે, જેના કારણે અહીંથી પસાર થતાં નાગરિકો અને વાહનચાલકોને ભારે તકલીફ પડતાં ટ્રાફિક સમસ્યા ઉદભવે છે, જેના કારણે રોજબરોજ નાના-મોટા અકસ્માતો બનતા હોય છે…

રોજબરોજ હાઇવે જકાતનાકે થતાં અકસ્માતો પાછળ વાંકાનેર પોલીસ જવાબદાર….

છાસવારે વાંકાનેર શહેરના હાઇવે જકાતનાકે નાના મોટા અકસ્માતોના બનાવો બનતા હોય છે, જેમાં અત્યાર સુધીમાં અનેક નિર્દોષ નાગરિકોનો ભોગ લેવાયો છે, છતાં પણ વાંકાનેરના જવાબદાર પોલીસ અધિકારીઓ દ્વારા આજ સુધી બાબતે કોઈ કામગીરી કરવામાં આવી નથી. એસી ઓફિસમાં બેસી કામગીરી કરતા આ પોલીસ અધિકારીઓ કોઈ દિવસ વાંકાનેર શહેરના માર્ગો પર નિકળે તો રોજબરોજ આમ જનતાને પડતી તકલીફો સમજી શકાય….

કાનમાં કહું…: સાહેબની ગાડી છે જવા દો…. પેસેન્જર વાહનોમાં પોલીસ કર્મચારીઓનો ભાગ….

બાબતે ખાનગી સુત્રો પાસેથી મળતી માહિતી મુજબ વાંકાનેર વિસ્તારમાં રાજકોટ, મોરબી, ચોટીલા સહિતના અલગ અલગ વિસ્તારોમાં ચાલતા વાહનોમાં ખાનગી રીતે ઘણાં બધાં પોલીસ કર્મચારીઓનો ભાગ હોય, જેના કારણે બાબતે આજસુધી પોલીસ વિભાગ દ્વારા આ બાબતે કોઈ નક્કર કામગીરી કરવામાં આવી નથી, કારણ કે જો કામગીરી કરવામાં આવે તો ડ્રાઇવર દ્વારા મોટા ભાગે એક જ જવાબ મળે છે, ‘ સાહેબની ગાડી છે, જવા દો….

પત્રકારો ‘ આર યા પાર ‘ ની લડાઈ લડવા તૈયાર….

બાબતે જો હજુ પણ જવાબદાર અધિકારીઓ દ્વારા કોઈ નક્કર પરિણામલક્ષી કામગીરી કરવામાં નહીં આવે તો, આ મુદ્દે વાંકાનેરના તમામ પત્રકારો એક બની, અવાજ ઉઠાવી, ઉચ્ચ અધિકારીને પ્રશ્નમાં સામેલ કરી, રોજ સ્થળ પરથી લાઇવ કવરેજ કરવામાં આવશે અને બાદ પણ સમસ્યાનું સમાધાન નહીં આવે તો મોરબી જિલ્લાના મિડિયા સાથે પ્રેસ કોન્ફરન્સનું આયોજન કરી અને રાજ્યસ્તરે આ પ્રશ્ન ને વાચા આપવા તૈયારી દર્શાવી છે…

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/JaNtfP7Okw09RVWit8eWD1

ગતરાત્રીના બ્લાસ્ટ સાથે દાવાનળ ફાટતાં જમીનમાંથી લાવા બહાર નીકળતા ગ્રામજનો ભયભીત….

વાંકાનેર તાલુકાના ગારીડા ગામની સામે આવેલ ડુંગરની ધારમાં ગતરાત્રીના મહાકાય બ્લાસ્ટના અવાજ સાથે દાવાનળ ફાટી નીકળતા ગ્રામજનોમાં ભયનો માહોલ જોવા મળી રહ્યો છે, જેમાં બે દિવસથી ડુંગરમાં ઘુઘવાટના અવાજ સાથે ગતરાત્રીના અચાનક દાવાનળ સક્રિય થતાં બ્લાસ્ટના અવાજ સાથે લાવા ધરતી બહાર નીકળ્યો હતો..

બનાવની પ્રાપ્ત વિગતો મુજબ વાંકાનેર તાલુકાના ગારિડા ગામ સામે નેશનલ હાઈવેની બાજુમાં આવેલ ડુંગરની ધારમાં છેલ્લા બે દિવસથી ઘુઘવાટનો અવાજ આવતો હોય, જેમાં ગતરાત્રીના ભયાનક બ્લાસ્ટના અવાજ સાથે ડુંગરમાંથી દાવાનળ સક્રિય થતાં લાવા જમીનમાંથી બહાર નીકળ્યો હતો.

આ દરમિયાન ગામના સરપંચ અને નાગરિકો સ્થળ પર પહોંચતા ડુંગરમાંથી ગરમીના ઉકડાટ અને વરાળ સાથે દાવા બહાર નિકળી રહ્યો હતો. જેમાં સવારે દાવાનળ શાંત થતાં લાવા ઠરી ગયો હોવાની માહિતી મળી રહી છે. બાબતે હાલ બનાવની જાણ જવાબદાર તંત્રને કરવામાં આવી હોવાની માહિતી ગામના સરપંચ યુનુસભાઈ માથકીયા દ્વારા આપવામાં આવી છે.

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/Lk9VeBiwaWLADeOOKfmVDU

આજરોજ નાયબ કલેકટર વાંકાનેર દ્વારા પ્રસિદ્ધ કરવામાં આવેલ જાહેરનામાં અનુસાર વાંકાનેર તાલુકા ખરીદ વેચાણ સંઘમાં કુલ 12 સભ્યોની ચૂંટણી માટે ગત વખતે કરતા આ વર્ષે બ્લોકમાં ફેરફાર કરી નાયબ કલેકટર દ્વારા નવા બ્લોક બનાવી ચુંટણી જાહેર કરવામાં આવી છે, જેમાં 22/02/23, બુધવારના રોજ મતદાન તથા મતગણતરી યોજાશે…

નાયબ કલેકટર દ્વારા પ્રસિદ્ધ કરવામાં આવેલ જાહેરનામું….

• ઉમેદવારીપત્રો ભરવાની તારીખ : 06/02 થી 09/02 સુધી…

• ઉમેદવારીપત્રો પ્રસિદ્ધ કરવાની તારીખ : 09/02/2023

• ઉમેદવારીપત્રો ચકાસણી : 10/02/2023

• માન્ય ઉમેદવારોની ફાયનલ યાદી : 10/02/2023

• ઉમેદવારી પરત ખેંચવાની તારીખ : 13/02/2023

• હરીફ ઉમેદવારોની આખરી યાદી : 13/02/2023

• મતદાનની તારીખ : 22/02/2023 (સમય ૧૦ થી ૧)

• મતગણતરીની તારીખ : 22/02/2023 (બપોરે ૩ વાગ્યે)

મતદાન મંડળ વિશેની વિગતવાર માહિતી…

1). વાંકીયા :

૧. વાંકીયા જુથ સેવા સહકારી મંડળી,
૨. કિશાન સેવા સહકારી મંડળી,
૩. પંચાસર સેવા સહકારી મંડળી લી.
૪. વઘાસીયા જુથ સેવા સહકારી મંડળી.

2). ઢુવા :

૧. ઢુવા જુથ સેવા સહકારી મંડળી,

૨. રણેકપર સેવા સહકારી મંડળી,
૩. ભોજપરા સેવા સહકારી મંડળી,
૪. જેતપરડા જુથ સેવા સહકારી મંડળી લી.

3). માટેલ :

૧. માટેલ જુથ સેવા સહકારી મંડળી,

૨. વરડૂસર જુથ સેવા સહકારી મંડળી,
૩. પલાસ સેવા સહકારી મંડળી,
૪. પાડધરા જુથ સેવા સહકારી મંડળી.

4). લુણસર :

૧. લુણસર જુથ સેવા સહકારી મંડળી,
૨. ગાંગીયાવદર જુથ સેવા સહકારી મંડળી,
૩. સરધારકા જુથ સેવા સહકારી મંડળી,

5). ચંદ્રપુર :

૧. ચંદ્રપુર જુથ સેવા સહકારી મંડળી,
૨. ગેલેક્સી હોર્ટીકલ્ચર ગ્રો.કો.ઓ.સો.લી.
૩. દલડી જુથ સેવા સહકારી મંડળી
૪. મહિકા જળસિંચય મંડળી.

6). કેરાળા :

૧. કેરાળા જુથ સેવા સહકારી મંડળી
૨. સર્વોદય હોર્ટીકલ્ચર ગ્રો.કો.ઓ.સો.લી.

૩. રસીકગઢ જુથ સેવા સહકારી મંડળી,

૪. રાજાવડલા સેવા સહકારી મંડળી

7). કોઠારીયા :

૧. કોઠારીયા સેવા સહકારી મંડળી,
૨. સિંધાવદર જળ સિંચય સહકારી મંડળી,
૩. અરણીટીંબા સેવા સહકારી મંડળી ,
૪. તિથવા-પાંચદ્રારકા કૃષિ બાગાયત સહકારી મંડળી.

8). સિંધાવદર :

૧. સિંધાવદર જુથ સેવા સહકારી મંડળી,
૨. તીથવા સેવા સહકારી મંડળી,
૩. પાંચદ્રારકા જુથ સેવા સહકારી મંડળી
૪. પ્રતાપગઢ સેવા સહકારી મંડળી.

9). વાલાસણ :

૧. વાલાસણ સેવા સહકારી મંડળી ,
૨. પીપળીયા રાજ જુથ સેવા સહકારી મંડળી ,
૩. પીપળીયા અગાભી સેવા સહકારી મંડળી,
૪. કોટડાનાયાણી સેવા સહકારી મંડળી.

10). જાલસીકા :

૧. જાલસીકા જુથ સેવા સહકારી મંડળી,
૨. ખેરવા સેવા સહકારી મંડળી,
૩. કણકોટ સેવા સહકારી મંડળી,
૪. ખીજડીયા જુથ સેવા સહકારી મંડળી

11). ગારીડા : 

૧. ગારીડા જુથ સેવા સહકારી મંડળી,
૨. જોધપર સેવા સહકારી મંડળી,
૩. કોઠી સેવા સહકારી મંડળી,
૪. મહિકા જુથ સેવા સહકારી મંડળી

12). મેસરીયા : 

૧. મેસરીયા જુથ સેવા સહકારી મંડળી,
૨. અદેપર સેવા સહકારી મંડળી,
૩. વિનયગઢ સેવા સહકારી મંડળી,
૪. જાલીડા જુથ સેવા સહકારી મંડળી

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/JaNtfP7Okw09RVWit8eWD1