બાબતે પ્રાપ્ત માહિતી મુજબ ગત વિધાનસભાની ચૂંટણીમાં વાંકાનેર બેઠક પરથી આમ આદમી તરફથી ચુંટણી લડી અને 53,110 જેટલાં મતો મેળવી યુવા નેતૃત્વ તરીકે ઉભરી આવેલ વિક્રમ સોરાણીએ આજે આમ આદમી પાર્ટીમાંથી રાજીનામું ધરી દેતા ખળભળાટ મચી ગયો છે, જેમાં તેમણે રાજકોટથી આમ આદમી પાર્ટીના પ્રાથમિક સભ્યપદેથી સ્વૈચ્છિક રાજીનામું આપી અને તેની જાણ પાર્ટીના પ્રદેશ પ્રમુખની કરી હોવાનું જણાવ્યું છે…

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/CkI9EQ2Ab9qDOE7w5Vr0Lt

સરકારના મંત્રીએ 80% ધારાસભ્યો સચિન પાયલોટ સાથે હોવાનો દાવો કરતા માહોલ ગરમાયો….

રાજસ્થાન કૉંગ્રેસમાં અશોક ગેહલોત અને સચીન પાઇલટ વચ્ચે ચાલતો વિવાદ હવે ધારાસભ્યો સુધી પહોંચી ગયો છે. અશોક ગેહલોતે સમાચાર ચેનલ એનડીટીવીને આપેલા એક ઇન્ટરવ્યૂમાં સચીન પાઇલટને ગદ્દાર કહ્યા હતા. જેમાં સચીન પાયલટે જવાબ આપતા કહ્યું કે તેઓ મને નકામો, નાલાયક અને ગદ્દાર વગેરે કહી રહ્યા છે, પરંતુ મારો ઉછેર જે રીતે થયો છે તેમાં આવા શબ્દોનો ઉપયોગ નથી કરાતો. સમાચાર એજન્સી પીટીઆઈ સાથે વાત કરતા પાઇલટે એમ પણ કહ્યું છે કે આ રીતે નામ લઈને કાદવ ઉછાળવાથી અને આરોપો લગાવાથી બહુ કંઈ મળવાનું નથી. જોકે હવે બંને નેતાઓ વચ્ચેની નિવેદનબાજી હવે બે જૂથ વચ્ચેના સંઘર્ષમાં ફેરવાઈ રહી છે….

આજે સવારે સમાચાર એજન્સી એએનઆઈ સાથે વાત કરતા રાજસ્થાન સરકારના મંત્રી આરએસ ગુઢાએ દાવો કર્યો કે રાજસ્થાનના 80 ટકા ધારાસભ્યો સચીન પાઇલટની સાથે છે. તેમણે કહ્યું, “ગેહલોત ખુરશી પર એટલા માટે બેઠા છે કે કૉંગ્રેસ હાઈકમાન્ડનો તેમના પર હાથ છે. મારું કહેવું છે કે સામસામે મુકાબલો થવો જોઈએ. જો રાજ્યના 80 ટકા ધારાસભ્યો સચીન પાઇલટ સાથે ન આવે તો અમે અમારો દાવો છોડી દઈશું. અશોક ગેહલોત સચિન પાયલોટને નકામા, ખરાબ અને બીજું ઘણું બોલતા રહે છે. પરંતુ હું તમને જણાવી દઉં કે રાજસ્થાનના સ્વાસ્થ્ય માટે તેમનાથી સારો કોઈ નેતા હોઈ જ ન શકે.

આવું પહેલી વાર નથી થયું કે સચીન પાઇલટ અને અશોક ગેહલોતના જૂથ આ રીતે ખુલ્લેઆમ આમને-સામને આવ્યા હોય. અગાઉ કૉંગ્રેસ પ્રમુખપદ માટેની ચૂંટણી દરમિયાન બે જૂથો વચ્ચે મારામારી થઈ હતી. બે વર્ષ પહેલાં જૂન 2020માં સચીન પાઇલટ અને અશોક ગેહલોત વચ્ચે તકરાર થઈ હતી. ત્યારે સચીન પાઇલટે ખુલ્લેઆમ ગેહલોત સામે બળવો પોકાર્યો હતો….

વધુ સમાચારો ઝડપથી અને સત્ય સાથે મેળવવા માટે ” ચક્રવાત ન્યુઝ ” સાથે જોડાઓ….

નિચેની લિંક પર ક્લિક કરી અમારી સાથે જોડાઓ અને આ લિંકને તમારા વિસ્તારના દરેક ગ્રુપમાં share કરો….

https://chat.whatsapp.com/Caugn0J3CfLIgMBhvNsup0

વિજય સિંગલા ભગવંત માનની આગેવાની હેઠળની સરકારમાં આરોગ્ય મંત્રી હતા. વિજય સિંગલા પર અધિકારીઓ તરફથી કોન્ટ્રાક્ટ પર એક ટકા કમિશનની માંગણી અને ભ્રષ્ટાચારની ફરિયાદો આવી રહી હતી. વિજય સિંગલાના ભ્રષ્ટાચારમાં સામેલ હોવાના આરોપ અંગે મજબૂત પુરાવા મળ્યા બાદ સીએમ ભગવંત માને તેમને તેમની કેબિનેટમાંથી બહારનો રસ્તો દેખાડી દીધો હતો….

વિજય સિંગલાને મંત્રીમંડળમાંથી હટાવવાની જાહેરાત કરતા મુખ્યમંત્રી ભગવંત માને સ્પષ્ટ કહ્યું કે અમે એક ટકા પણ ભ્રષ્ટાચાર સહન નહીં કરીએ. તેમણે કહ્યું કે પ્રજાએ ઘણી આશા-અપેક્ષાઓ સાથે આમ આદમી પાર્ટીની સરકાર બનાવી છે. આ અપેક્ષા પ્રમાણે અમરે ખરું ઉતરવું એ અમારી ફરજ છે. સીએમ માને કહ્યું કે જ્યાં સુધી અરવિંદ કેજરીવાલ જેવા ભારત માતાના પુત્રો અને ભગવંત માન જેવા સૈનિકો છે, ત્યાં સુધી ભ્રષ્ટાચાર સામેનું મહાયુદ્ધ ચાલુ રહેશે…

અરવિંદ કેજરીવાલે શપથ લીધા હતા કે ભ્રષ્ટાચારની વ્યવસ્થાને જડમૂળથી ઉખાડી દેવામાં આવશે. પંજાબના મુખ્યમંત્રીએ કહ્યું કે અમે બધા તેમના સૈનિક છીએ. અહીં એક ટકા પણ ભ્રષ્ટાચારને સ્થાન નથી. મુખ્યમંત્રી ભગવંત માનના પોતાના જ મંત્રીને હટાવવાના આ પગલાને ભ્રષ્ટાચારમાં સંડોવાયેલા અન્ય નેતાઓ અને અધિકારીઓ માટે પણ મજબૂત સંદેશ તરીકે જોવામાં આવી રહ્યો છે…

પંજાબમાં એવું પહેલીવાર બન્યું છે જ્યારે કોઈ મુખ્યમંત્રીએ પોતાના જ મંત્રીને ભ્રષ્ટાચારના કેસમાં કાઢી મૂક્યા હોય. ઉલ્લેખનીય છે કે પંજાબ વિધાનસભાની ચૂંટણી દરમિયાન આમ આદમી પાર્ટીએ ભ્રષ્ટાચાર મુદ્દે સત્તાધારી કોંગ્રેસ પર આકરા પ્રહારો કર્યા હતા. પાર્ટીએ સિસ્ટમમાં ઊંડે સુધી રહેલા ભ્રષ્ટાચારને જડમૂળથી ઉખેડી નાખવાના વચનો આપ્યા હતા.

વધુ સમાચારો ઝડપથી અને સત્ય સાથે મેળવવા માટે ” ચક્રવાત ન્યુઝ ” સાથે જોડાઓ….

નિચેની લિંક પર ક્લિક કરી અમારી સાથે જોડાઓ અને આ લિંકને તમારા વિસ્તારના દરેક ગ્રુપમાં share કરો….

https://chat.whatsapp.com/EWKXbrU4DOy47Aw6sqSGm7

છેલ્લા ઘણા સમયથી કોંગ્રેસથી નારાજ ચાલી રહેલા હાર્દિક પટેલે આખરે પાર્ટીના કાર્યકારી પ્રમુખપદે સહિત તમામ રાજીનામું આપી દીધું છે. હાર્દિક પટેલે ટ્વિટર ઉપર સોનિયા ગાંધીને સંબોધીને પત્ર લખ્યો છે અને પાર્ટીના તમામ હોદ્દા અને પ્રાથમિક સભ્ય પદેથી રાજીનામું આપ્યું હોવાનું જણાવ્યું છે…

ખોડલધામમાં રવિવારે પાસ આગેવાન અલ્પેશ કથીરિયા, દિનેશ બાંભણીયા અને ગુજરાત પ્રદેશ કોંગ્રેસના કાર્યકારી પ્રમુખ હાર્દિક પટેલ સાથે નરેશ પટેલે બંધ બારણે બેઠક યોજી હતી. બેઠક બાદ હાર્દિક પટેલે જણાવ્યું હતું કે, હું કોંગ્રેસથી નારાજ છું જ, કોણ ના પાડે છે, આ વાત જગજાહેર છે. કોઈ પણ પાર્ટીની અંદર કોઈ પણ નેતા હોય તેની જવાબદારી નક્કી હોય છે. ગુજરાત કોંગ્રેસના કાર્યકારી પ્રમુખ હાર્દિક પટેલની પક્ષ સાથેની નારાજગીએ ગંભીર સ્વરૂપ લીધું છે.

હાર્દિકની છેલ્લા કેટલાક દિવસની ગતિવિધિઓ અને નિવેદનથી પણ તેનું કૉંગ્રેસ સાથે અંતર સ્પષ્ટ જણાતું હતું. ખાસ કરીને રાહુલ ગાંધી પણ ગુજરાત આવ્યા ત્યારે હાર્દિક સાથે વાત કરવાનું તો ઠીક, તેની નોંધ લેવાનું પણ ટાળ્યું હતું. રાજસ્થાનના ઉદયપુરમાં કોંગ્રેસની મળેલી ચિંતન શિબિરમાં પણ હાર્દિક પટેલની સૂચક ગેરહાજરી જોવા મળી હતી…

હાર્દિક પટેલે ટ્વિટ કરીને પોતે પાર્ટીમાંથી રાજીનામુ આપી રહ્યો હોવાની જાહેરાત કરી છે. હાર્દિક પટેલે લખ્યું હતું કે, ‘આજે હું હિંમત કરીને કોંગ્રેસ પાર્ટીના પદ અને પાર્ટીની પ્રાથમિક સદસ્યતામાંથી રાજીનામુ આપી રહ્યો છું. મને વિશ્વાસ છે કે, મારા આ નિર્ણયનું સ્વાગત મારા દરેક સાથીઓ અને ગુજરાતની જનતા કરશે. હું માનુ છું કે, મારા આ પગલા બાદ ભવિષ્યમાં ગુજરાત માટે વાસ્તવમાં સકારાત્મકરૂપે કાર્ય કરી શકીશ.’

આજના ઘટનાક્રમ પરથી તો એવું લાગી રહ્યું છે કે નરેશ પટેલ કોંગ્રેસમાં ગમે તે ઘડીએ જોડાઇ શકે છે. તો બીજીબાજુ ચૂંટણી રણનીતિકાર પ્રશાંત કિશોરની કોંગ્રેસ હાઇકમાન સાથે મુલાકાત થઇ ગઇ છે. તેઓ 29મી એપ્રિલે કોંગ્રેસમાં જોડાય તેવી સંભાવના છે. આમ ગુજરાતમાં વિધાનસભા ચૂંટણી પૂર્વે નરેશ પટેલ અને પ્રશાંત કિશોર કોંગ્રેસનો હાથ પકડે તેવી શકયતા છે…

બીજીબાજુ ગુજરાત કોંગ્રેસ સાથે જોડાયેલ હાર્દિક પટેલ છેડો ફાડે તેવી શકયતા છે. રાજકીય ગલિયારામાં તો હાર્દિક પટેલ ભાજપમાં જોડાય તેવી સંભાવના છે.

વાંકાનેર શહેર અને સમગ્ર તાલુકાના સમાચારો ઝડપથી અને સત્ય સાથે મેળવવા માટે ” ચક્રવાત ન્યુઝ ” સાથે જોડાઓ….

નિચેની લિંક પર ક્લિક કરી અમારી સાથે જોડાઓ અને આ લિંકને વાંકાનેર વિસ્તારના દરેક ગ્રુપમાં share કરો….

https://chat.whatsapp.com/EWKXbrU4DOy47Aw6sqSGm7

બંગાળની આસંનસોલ સીટ પર TMCની જીત, આસંનસોલ લોકસભા સીટ પરથી શત્રુધ્ન સિંહાની જીત, બાલીગંજ વિધાનસભા સીટ પર બાબૂલ સુપ્રિયોનો વિજય….

હાલ દેશમાં ચાર રાજ્યોમાં 5 બેઠકો પર યોજાયેલી પેટાચૂંટણીમાં ત્રણ બેઠકોના પરિણામ જાહેર થઈ ગયા છે. જેમાં ટીએમસીના શત્રુઘ્ન સિંહાએ પશ્ચિમ બંગાળની આસનસોલ લોકસભા સીટ પર જીત મેળવી છે, અગાઉ કૉંગ્રેસમાંથી લોકસભાની ચૂંટણી લડતા હાર મળી હતી, જ્યારે ટીએમસીના બાબુલ સુપ્રિયોએ બાલીગંજ વિધાનસભા સીટ પર જીત મેળવી છે. તે જ સમયે, આરજેડીના અમર પાસવાને બિહારની બોચાહન વિધાનસભા બેઠક પર જીત મેળવી છે, જ્યારે કોલ્હાપુર બેઠક પર કૉંગ્રેસના જયશ્રી જાદવ આગળ છે, છત્તીસગઢની ખૈરાગઢ બેઠક પર પણ કૉંગ્રેસના ઉમેદવાર આગળ છે….

TMC ઉમેદવાર બાબુલ સુપ્રિયો પશ્ચિમ બંગાળના બાલીગંજ વિધાનસભા મતવિસ્તારની પેટાચૂંટણીમાં જીતી ગયા છે. આ ચૂંટણીમાં CPI(M)ના ઉમેદવાર સાયરા હલીમ શાહ બીજા ક્રમે રહ્યા હતા, જ્યારે BJPના ઉમેદવાર કાયા ઘોષનું પ્રદર્શન ખૂબ જ નિરાશાજનક રહ્યું હતું. બાલીગંજમાં તૃણમૂલે બાબુલ સુપ્રિયોને ટિકિટ આપી હતી, જ્યાં તેઓ બીજેપીના કેયા ઘોષ અને કમ્યુનિસ્ટ પાર્ટી ઓફ ઈન્ડિયા (માર્કસિસ્ટ) (CPI-M)ના સાયરા શાહ હલીમ સામે ચૂંટણી લડી રહ્યા હતા.

ટીએમસી મંત્રી સુબ્રત મુખર્જીના નિધન બાદ આ સીટ ખાલી પડી હતી. મમતા બેનર્જીએ બાબુલ સુપ્રિયોને ઉમેદવાર બનાવ્યા હતા. ભાજપમાંથી રાજીનામું આપ્યા બાદ બાબુલે રાજકારણમાંથી નિવૃત્તિ લેવાની જાહેરાત કરી હતી, પરંતુ હવે એવી અટકળો ચાલી રહી છે કે તેઓ મમતા બેનર્જીની કેબિનેટમાં સામેલ થશે. જીત બાદ બાબુલ સુપ્રિયાએ કહ્યું કે આ માતા, માટી અને માનુષની જીત છે..

આસનસોલમાં TMCની જીત ભાજપના મોઢા પર થપ્પડ સમાન છે. 19 રાઉન્ડની મતગણતરી બાદ બાબુલ સુપ્રિયાને 50722 વોટ મળ્યા હતા. ડાબેરી ઉમેદવાર સાયરા શાહ હલિમને 30818 મળ્યા. બીજેપી ઉમેદવાર કેયા ઘોષને 12967 વોટ મળ્યા. બાબુલ સુપ્રિયો 20038 મતોથી જીત્યા. તેમને 48 ટકા વોટ મળ્યા હતા.. આસાનસોલ લોકસભા સીટ પરથી ટીએમસીના ઉમેદવાર શત્રુઘ્ન સિન્હાએ 3.75 લાખો વોટો સાથે જીત મેળવી લીધી છે.

બિહારની બોચહાં વિધાનસભા સીટ પર રાજદના અમર કુમાર પાસવાન આગળ ચાલી રહ્યા છે. જ્યારે છત્તીસગઢમાં કોંગ્રેસ ઉમેદવાર યશોદા વર્મા આગળ ચાલી રહ્યા છે. મહારાષ્ટ્રની કોલ્હાપુર ઉત્તર સીટ પર કોંગ્રેસના જાધવ જયશ્રી ચંદ્રકાંત આગળ ચાલી રહ્યા છે. હાલના પરિણામો બાદ પેટાચૂંટણીની પાંચ બેઠકો પર ભાજપને પછડાટ મળતો દેખાય રહ્યો છે…

નિચેની લિંક પર ક્લિક કરી અમારી સાથે જોડાઓ અને આ લિંકને વાંકાનેર વિસ્તારના દરેક ગ્રુપમાં share કરો….

https://chat.whatsapp.com/GGMW3yYtFoRGJ5RjMVvSRS

વાંકાનેર તાલુકાની કુલ 83 ગ્રામ પંચાયતો માટે આગામી દિવસોમાં ચુંટણી યોજાવાની છે ત્યારે ગામડાઓમાં તેની તૈયારીઓ પણ પુર જોશમાં ચાલી રહી છે. આ 83 ગ્રામ પંચાયતોમાંથી હાલ ખેરવા ગ્રામ પંચાયત સમરસ થશે તેવું ગ્રામજનો જણાવી રહ્યા છે.‌ આ સાથે જ અન્ય ગામોમાં પણ સમરસ ગ્રામ પંચાયત માટે મથામણો ચાલી રહી છે પરંતુ ખરૂ ચિત્ર તો ફોર્મ પરત ખેંચવાના અંતિમ દિવસે જ જાણવા મળશે…

વાંકાનેર તાલુકાની 83 ગ્રામ પંચાયતો માટે ગઈકાલ સુધીમાં કુલ 85 ઉમેદવારોએ સરપંચ પદ માટે ફોર્મ ભર્યા છે જ્યારે વોર્ડના સભ્ય માટેના 296 ફોર્મ ભરાયા છે. જે જોતા આજે અને કાલના દિવસે વધુમાં વધુ લોકો પોતાની ઉમેદવારી નોંધાવશે તેવો આજની ભીડ પરથી અંદાજ લગાવવામાં આવી રહ્યો છે‌…

વાંકાનેર શહેર અને સમગ્ર તાલુકાના સમાચારો ઝડપથી અને સત્ય સાથે મેળવવા માટે ” ચક્રવાત ન્યુઝ ” સાથે જોડાઓ….

નિચેની લિંક પર ક્લિક કરી અમારી સાથે જોડાઓ અને આ લિંકને વાંકાનેર વિસ્તારના દરેક ગ્રુપમાં share કરો….

https://chat.whatsapp.com/Jteb7Fbl3faARzF6FQshtT

ભાજપ દ્વારા અનેક કોંગ્રેસી આગેવાનોને પાર્ટી પરિવર્તન કરાવીને પોતાની પાર્ટીમાં સામેલ કરી પૂનઃ ચૂંટાવ્યાના દાખલાઓ મોજૂદ છે, ત્યારે વફાદાર કોંગ્રેસી કાર્યકરો માની રહ્યા છે કે કોંગ્રેસમાં નેતાઓ ચૂંટાયા બાદ નાના-મોટા કાર્યકરોની ધરાઈને ઉપેક્ષા કરતા હોવાના કારણે નાના-મોટા કાર્યકરોમાં ભારે રોષ બાદ તે પૈકીના મોટાભાગના કાર્યકરો વિરોધી પાર્ટી ભાજપમાં જોડાવાનું પસંદ કર્યું છે જેથી આ બાબતે કોંગ્રેસ પાર્ટીના જવાબદારોએ આત્મમંથન કરવાની જરૂર છે. ‘કાર્યકરોથી પાર્ટી છે નહિં કે પાર્ટીથી કાર્યકરો’ કહેવત આ બાબતે ઘણું બધું કહી જાય છે. જેથી આ બાબતે ખરા અર્થમાં મનોમંથન કરાય તો કોંગ્રેસને સફળતા મળી શકે તેમ છે…

2014ની લોકસભાની ચૂંટણી બાદ દેશની સૌથી જૂની રાજકીય પાર્ટી ભારતીય રાષ્ટ્રીય કોંગ્રેસ એટલે કે કોંગ્રેસની સ્થિતિ ડામાડોળ થઇ 2014 ની સાલમાં સામાન્ય ચૂંટણીમાં સફાયો થયા બાદ મોટાભાગના રાજ્યોમાં કોંગ્રેસ સત્તા ગુમાવી હતી. કોંગ્રેસની સતત હાર બાદ 2018નું વર્ષ પાર્ટી માટે આશાનું કિરણ બનીને સામે આવ્યું અને પાર્ટીએ રાજસ્થાન, મધ્યપ્રદેશ, છત્તીસગઢ જેવા હિન્દી હાર્ટલેન્ડમાં વિજય મેળવીને એક વખત ફરી કોંગ્રેસ ફરી ઉભી થવા લાગી. જો કે કોંગ્રેસની આ જીત ક્ષણિક રહી અને વર્ષ 2019ની સામાન્ય ચૂંટણીમાં તો પાર્ટીની હાર થઈ પરંતુ આ સમયગાળામાં જીતેલા રાજ્યો પણ કોંગ્રેસ પાર્ટીના હાથમાંથી સરકવા લાગ્યાં.

પાર્ટીને આ રાજ્યોમાં જીત મળી હોવા છતાં કર્ણાટક અને મધ્યપ્રદેશ જેવા મોટા રાજ્યોમાંથી ભાજપે કોંગ્રેસ પાસેથી સત્તા છીનવી લીધી અને કોંગ્રેસ જોતી રહી ગઈ ! કર્ણાટક અને મધ્યપ્રદેશ બાદ રાજસ્થાન કોંગ્રેસમાં પણ આગ લાગી હતી જે વાત હજુ ઠંડી પડી ત્યાં પંજાબ કોંગ્રેસનો વિવાદ સપાટી પર આવ્યો છે. પંજાબની સાથે દિલ્હીમાં પણ પાર્ટીનો જૂથવાદ ચરમસીમાએ પહોંચ્યો છે. આવા સંજોગોમાં પાર્ટી મોટાપાયે નિર્ણયો કરી શકે છે. અને કોંગ્રેસને મોટા પાયે બદલાવની પણ ખાસ જરૂર છે. આ બાબતે કોંગ્રેસના સૂત્રો પાસેથી મળતી માહિતી મુજબ કોંગ્રેસ દેશ વ્યાપી મોટા બદલાવ કરવાનું મન પણ બનાવી લીધું છે…

કોરોના કાળમાં મોદી સરકારની નિષ્ફળતા નો લાભ ઉઠાવીને ચૂંટણીમાં સારું પ્રદર્શન કરવા માટે કોંગ્રેસને મોટા બદલાવ કરવાની તાતી જરૂરિયાત છે એટલે કે આવનારા સમયમાં ૧૦થી વધુ રાજ્યમાં કોંગ્રેસ પ્રદેશ પ્રમુખ અને વિપક્ષના નેતાઓ બદલી કરશે એ વાત નિશ્ચિત માનવામાં આવી રહી છે. ગુજરાતમાં વિપક્ષી નેતા અને પ્રદેશ પ્રમુખ બદલાશે તે વાત નિશ્ચિત માનવામાં આવી રહી છે. પ્રદેશ પ્રભારી રાજીવ સાવંતના અવસાન બાદ નવા પ્રભારી નિમવામાં આવશે. ગુજરાત કોંગ્રેસમા પ્રભારીની નિમણૂક બાદ ગુજરાત કોંગ્રેસના નવા અધ્યક્ષ પદે વર્તમાન રાજ્યસભાના મેમ્બર, પ્રભાવી નેતા અને સ્પષ્ટ વકતા શક્તિસિંહ ગોહિલની નિમણૂક થાય તેવી પ્રબળ સંભાવનાઓ દેખાઇ રહી છે. ગુજરાતમાં ભાજપના એક ચક્રી શાસન સામે જોરદાર ટક્કર લઈ શકે તેવા એક માત્ર નેતા કોંગ્રેસ પાસે હોય તો તે શકશે શક્તિસિંહ ગોહિલ હોવાનું કોંગ્રેસના આંતરિક સૂત્રો માની રહ્યા છે…

નિચેની લિંક પર ક્લિક કરી અમારી સાથે જોડાઓ અને આ લિંકને તમારા વિસ્તારના દરેક ગ્રુપમાં share કરો….

https://chat.whatsapp.com/GFSnM2Pym70G4SxYebOaly

વાંકાનેર શહેર ભાજપ સુપ્રીમો જીતુભાઇ સોમાણી અને મોરબી જિલ્લા ભાજપ ટીમ વચ્ચેની લડાઇ વચ્ચે આવતીકાલે યોજાનારી પાલિકા પ્રમુખની ચૂંટણી પૂર્વે જ ભાવિ પ્રમુખ તરીકે જે નામ ચર્ચામાં છે તેવા જયશ્રીબેન સેજપાલ સહિત વાંકાનેર નગરપાલિકામાં ચૂંટાયેલા ભાજપના 16 સભ્યોએ લેટર બૉમ્બ ફોડી રાજીનામાં ધરી દીધા છે. જેથી આવતીકાલે વાંકાનેર પાલિકા પ્રમુખની ચૂંટણીમાં નવાજુની થવાના સ્પષ્ટ અણસાર મળી રહ્યા છે, જો કે રાજીનામાં ધરી દેનાર સભ્યો અજ્ઞાતવાસમાં ચાલ્યા ગયાનું પણ સૂત્રો જણાવી રહ્યા છે…

વાંકાનેર નગરપાલિકાની સામાન્ય ચૂંટણીમાં ભાજપને 24 બેઠકો સાથે સ્પષ્ટ બહુમતી મળતા બહુમતી સભ્યોએ પ્રમુખ તરીકે જયશ્રીબેન સેજપાલ અને ઉપ પ્રમુખ તરીકે ધર્મેન્દ્રસિંહ જાડેજાનું નામ મવડી મંડળને મોકલી આપ્યું હતું પરંતુ છેલ્લા દિવસોમાં જીતુભાઇ સોમણીના ગાઈડલાઈન ઉપરવટ જઈ ચૂંટણી લડવા મામલે જિલ્લા ભાજપ અને વાંકાનેર શહેર ભાજપ સામસામે આવી ગયા હોય પ્રમુખ અને ઉપપ્રમુખ તરીકે બહુમતી સભ્યોએ નક્કી કરેલા નામ ને બદલે અન્ય નામ આવે તેવી દહેશત વ્યક્ત કરી 16 સભ્યોએ વાંકાનેર શહેર ભાજપ પ્રમુખ દિનુભાઈ વ્યાસને ભાજપના પ્રાથમિક સભ્ય પદેથી રાજીનામાં ધરી દીધા છે…

બીજી તરફ વાંકાનેર નગરપાલિકાના ચૂંટાયેલા 16 સભ્યોના રાજીનામાં અંગેનો પત્ર શહેર પ્રમુખ દિનુભાઈ વ્યાસે જિલ્લા ભાજપ પ્રમુખ દુર્લભજીભાઈ દેથરીયાને મોકલી આપ્યો હોવાનું બહાર આવ્યું છે અને આ પત્ર સોશિયલ મીડિયામાં વાયરલ થયો છે. હાલના માહોલ મુજબ જો ભાજપ દ્વારા બહુમત સભ્યોની માંગ સ્વીકારવામાં નહીં આવે તો પક્ષના મેન્ડેડ વિરુદ્ધ વાંકાનેર નગરપાલિકામાં પ્રમુખ-ઉપપ્રમુખ સહિતના હોદ્દેદારોની નિમણૂંક કરવાની પણ તૈયારીઓ શરૂ કરાઈ હોવાનું ખાનગી સુત્રો પાસેથી જાણવા મળી રહ્યું છે…

આ સાથે જ જો ભાજપ દ્વારા બહુમત સભ્યોની માંગ સ્વીકારવામાં આવી જશે તો ઘીના ઠામમાં ઘી પડી અનખ વાંકાનેર નગરપાલિકામાં ભાજપના બેનર હેઠળ નવી બોડીની રચના કરવામાં આવશે. હાલ વાંકાનેર શહેર ભાજપના કાર્યકરોમાં ખાનગી રાહે થતાં ગણગણાટ મુજબ આ સમસ્યા રાજકોટના સાંસદ મોહનભાઇ કુંડારિયા દ્વારા જીલ્લા ભાજપ પ્રમુખને ગેરમાર્ગે દોરી સર્જવામાં આવી રહી છે જેની પાછળ જીતુભાઇ સોમાણી સાથે તેમના મતભેદો કામ કરી રહ્યા છે…

આ સાથે વાંકાનેર નગરપાલિકામાં ભાજપના સહયોગી પાર્ટી બસપાના ચાર ચુંટાયેલા પ્રતિનિધિઓ પણ ભાજપના આ નિર્ણયની વિરોધમાં રાજીનામાં આપનારા ૧૬ સભ્યો સાથે રહેશે તેવું વાંકાનેર બસપા સુપ્રીમો જાકીરભાઈ બ્લોચે ચક્રવાત ન્યૂઝ સાથેની વાતચીતમાં જણાવ્યું હતું…

વાંકાનેર શહેર અને સમગ્ર તાલુકાના સમાચારો ઝડપથી અને સત્ય સાથે મેળવવા માટે ” ચક્રવાત ન્યુઝ ” સાથે જોડાઓ….

નિચેની લિંક પર ક્લિક કરી અમારી સાથે જોડાઓ અને આ લિંકને વાંકાનેર વિસ્તારના દરેક ગ્રુપમાં share કરો….

https://chat.whatsapp.com/IZu1BnaSdSzF46c9hEdMUA

ભાજપના 16 સભ્યોએ આપેલા રાજીનામા…

વાંકાનેર શહેર ભાજપના પ્રમુખને મોરબી જિલ્લા ભાજપ પ્રમુખે નોટિસ આપ્યા બાદ હાલમાં રાજકારણ ગરમાયું છે અને વાંકાનેરના લોહાણા સમાજના કદાવર નેતા જીતુ સોમાણીએ જિલ્લા ભાજપ પ્રમુખ અને સાંસદ મોહનભાઇ કુંડારીયા ઉપર આક્ષેપ સાથેનો લેટર બોમ્બ સોશ્યલ મિડીયામાં વાયરલ કરેલ છે જેમા જીતુભાઇ સોમાણીએ ગંભીર આક્ષેપો કરતા વાંકાનેર ભાજપમાં ભડકાના એંધાણ વર્તાઈ રહ્યાં છે…

જીતુભાઇ સોમાણીએ લખેલ લેટરમાં તેમણે ગંભીર આક્ષેપો કરતા જણાવ્યું છે કે, ગુજરાત પ્રદેશ ભાજપે નક્કી કરેલ ટિકિટ ફાળવણી માટેની ગાઈડ લાઇનનો ભાગ માળીયા નગરપાલિકામાં થયો હોવા છતાં ત્યાં કેમ નોટિસ નહી ?, અગાઉ માજી ધારાસભ્ય કાંતિભાઇ અમૃતિયાએ પક્ષ વિરોધી પ્રવૃતિ કરી હતી તેમ છતાં તેઓની સામે કેમ કોઈ પગલા લેવામાં આવ્યા નથી ? અને જિલ્લા ભાજપના પૂર્વ મહામંત્રી અને વાંકાનેર શહેર ભાજપના પ્રમુખને મોહનભાઇ કુંડારીયાએ અગાઉ ધમકી આપી હતી અને તેઓ જીતુભાઈ સોમાણીને મારી નાખશે અને બનાવ અકસ્માતમાં ખપાવી દેશે તેવો ભય વ્યક્ત કર્યો છે જેથી કરીને હાલમાં રાજકીય ગરમાવો મોરબી જીલ્લામા આવી ગયો છે…

વાંકાનેર શહેર ભાજપના પ્રમુખને જીલ્લા ભાજપના પ્રમુખ દ્વારા નોટીસ આપવામાં આવી હતી ત્યાર બાદ વાંકાનેરના ભાજપના કદાવર નેતા જીતુભાઇ સોમાણી દ્વારા હાલમાં જીલ્લા ભાજપના પ્રમુખને નોટીસ આપવામાં આવેલ છે જેમા તેમને લખ્યુ છે કે, તા.૨૩-૨ ના રોજ વાંકાનેર શહેર ભાજપ પ્રમુખ દીનુભાઈ વ્યાસને જીલ્લા ભાજપ પ્રમુખે નોટીસ આપી છે જેનો જવાબ આપતા કહ્યુ છે કે શહેર ભાજપ પ્રમુખએ સંગઠનને મજબૂત અને લોક સેવાકીય પ્રવૃતિ કરનાર વ્યકિત છે એ કોઈ પગારદાર નોકરી કરનાર કમૅચારી નથી

આંમ , નિયમાનુશાર તેની પાસે ખુલાસો મંગી શકાય પરતું તેને નોટીસ આપવીએ ભારતીય જનતા પાર્ટીના બધારણથી વિરુદ્ધ છે અને નોટીસ મારા સંબધિત હોય તેમને લખ્યુ છે ગુજરાત ભાજપ પ્રદેશ દ્વારા ૬૦+ અને સતત ત્રણ ટમેં ચૂંટણી જીતેલા વ્યકિતને ૨૦૨૧ ની સામાન્ય ચૂંટણીમાં ઉમેદવાર ન બનાવવા જેનું પાલન વાંકાનેર શહેર સંગઠને ખૂબ જ નિષ્ઠાપૂવૅક કર્યું છે પરંતુ ગુજરાત ભાજપ પ્રદેશ દ્વારા ડમી ઉમેદવાર તરીકે કોને ફોમૅ ભરવું અને કોને ફોમૅ ન ભરવું તેવી કોઈ ગાઈડલાઈન કે પરિપત્ર કરેલ નથી . સાથે સાથે જીલ્લા ભાજપ દ્વારા પણ આવી કોઈ સૂચના લેખિત કે મૈખિક શહેર સંગઠનને આપેલ નથી અને વાંકાનેર રાતીદેવરી જીલ્લા પંચાયતના ઉમેદવાર શેરશીયા ઝહીરભાઈના ડમી ઉમેદવાર તરીકે તેમના પિતા શેરશીયા યુસુફભાઈએ ભરેલ છે જે ૬૦+ ની ઉપર ઉંમર ધરાવે છે…

વધુમાં કહેલ છે કે, નોટીસમાં જણાવી રહયા છો કે વોર્ડ નંબર-૩ ના ઉમેદવારનું ફોમેં ખામી વાળુ ભર્યું હતું આ બાબત આપની પાયાવિહોણ છે. કેમ કે ઉમેદવારના ફોમેં જીલ્લા ભાજપ સંગઠન, શહેર ભાજપ સંગઠન અને લીગલ સેલ દ્વારા ભરવામાં આવે છે. આંમ ફોમૅ ખામી વાળુ છે તે ભરતી વખતે ખબર હોય તો આપે તે સુધારી લેવું જોઈએ નહિ કે ખોટા આક્ષેપો કરીને તમારી જવાબદારી માંથી છટકી જવાનું અને પ્રદેશ ભાજપની સ્પષ્ટ સૂચના હતી કે ૬૦+ ની ઉમરના વ્યકિતને ઉમેદવાર તરીકે ઉભા ન રાખવા છતા પણ તમે માળીયા નગરપાલિકાની ચૂંટણીમાં આ નિયમ વિરુધ્ધ ઉમેદવારો ઉભા રાખ્યા છે જેમા જેડા ફાતેમાબેન ઉષ્માનભાઈ વોર્ડ નંબર-૨ (૭૫), કટીયા નેકમામદ વલીમામદ વોર્ડ નંબર -૫ (૬૨), જામ અમીનાબેન મામદભાઈ વોડૅ નંબર-૪ (૬૨) જેડા હસીનાબેન જાનદમામદ વોર્ડ -૧ (૬૨) નો સમાવેશ થાય છે ત્યા કેમ નોટીસ નહી ? આ સમગ્ર બાબત તેઓ પ્રદેશ ભાજપની પાર્લામેન્ટ્રી બૉડને પણ કરશે તેવુ નોટીસમા જણાવેલ છે…

જીલ્લા ભાજપ દ્વારા પ્રદેશમાંથી આવેલ ચુટણી ફંડ વાંકાનેર શહેર સંગઠન સિવાય જીલ્લાના તમામ સંગઠનને આપવામાં આવ્યું છે તો વાંકાનેર શહેર સંગઠન સાથે આવુ વર્તેન શા માટે…? સાથો સાથ જીલ્લા સંગઠન દ્વારા પ્રદેશના નેતાઓની સભા, પ્રચાર વગેરે કાયૅ કયોં કરવામાં આવતા હોય છે વાંકાનેર શહેર સાથે એક પણ વખત આ બબતે સંકલન આ ચૂંટણીમાં કરેલ નથી તો વાંકાનેર નગરપાલિકામાં ભાજપના ઉમેદવારને જીતાડવાની જવાબદારી તમારી નથી ? સમગ્ર મોરબી જીલ્લામાં માળીયા નગરપાલિકાને બાદ કરતા દરેક જગ્યાએ ભારતીય જનતા પાટીંનો ભવ્ય વિજય થયો છે . આ ભવ્ય વિજય આપણા લોક લાડીલા વડાપ્રધાન નરેન્દ્રભાઈ મોદીની લોકપ્રિયતા તેમજ સંવદનશીલ મુખ્યમંત્રી વિજયભાઈ રૂપાણીની કાયૅદક્ષતા અને પ્રદેશ પ્રમુખ પાટીલના નેતૃત્વને લીધે આવેલ છે આ ભવ્ય વિજય કોઈ એક વ્યકિતના કારણે આવેલ નથી જે મોરબી જીલ્લામાં હાલ શેખી મારી રહ્યા છે.

મોરબી ધારાસભાની પેટા ચૂંટણીમાં કાંતીલાલ અમૃતિયાએ ભાજપ વિરુદ્ધમાં કામ કરેલ છે જેની જાણ જીલ્લા ભાજપ સંગઠન , પ્રદેશ ભાજપ સહિત તમામને ખબર છે છતા પણ આજ દીન સુધી તેને કોઈ પણ પ્રકારની નોટીસ કે મીડીયામાં તેના વિરુદ્ધ કોઈ પ્રતિક્રિયા આપવામાં આવી નથી તેનું કારણ શું ? હું લોહાણા સમાજમાંથી આવું છું અમારા સમાજની વસતી ખૂબ જ ઓછી છે મારો સમાજ મને રાજકીય પ્રતિનીધીત્વ આપ્યું છે જયારે જીલ્લા પ્રમુખ દુર્લભજીભાઇ અને મોહનભાઈ કુંડારીયા વારંવાર રાગદ્વેષ અને કિન્નાખોરી રાખી મારી રાજકીય કારકિર્દી ખતમ કરવાના પ્રયત્નો કરી રહયા છે.

વધુમાં એવુ પણ લખેલ છે કે, મોરબી જીલ્લામાં મોહનભાઈ કુંડારીયા પોતાનો રાજકીય પ્રભાવ વધારવા એન – કેન પ્રકારે ભાજપના કાયૅકરોને દબાવીને ધમકાવીને પોતાના દબાણમાં રાખવા કાયૅ કરી રહયા છે મોરબી જીલ્લાના ભૂતપૂર્વે જીલ્લા ભાજપ મહામંત્રી હિરેન પારેખને જડેશ્વર પણ નહિ પોહચ તારા ટાંટીયા ભાંગી નાખીશ તેવી ધમકી આપેલ હતી. આ ઉપરાંત વાંકાનેર શહેર ભાજપ પ્રમુખ દિનુભાઈ વ્યાસને પણ મારા કહયામાં રહો નહિતર (…..) લગાડી દઈશ તેવું કહેલ છે આમ મોહનભાઈનો સ્વભાવ ડંખીલો છે તે મને પણ કયારે મારી નાખશે કે અકસ્માતમાં ખપાવી દેશે તેનો ભય લાગે છે. આ સિવાય ધણા બધા મુદદાઓ છે જે આવનાર દિવસોમાં સમય આવીયે કહીશ તેનો લેટર હાલમાં સોશ્યલ મિડિયામાં વાયરલ થયો છે….

વાંકાનેર શહેર અને સમગ્ર તાલુકાના સમાચારો ઝડપથી અને સત્ય સાથે મેળવવા માટે ” ચક્રવાત ન્યુઝ ” સાથે જોડાઓ….

નિચેની લિંક પર ક્લિક કરી અમારી સાથે જોડાઓ અને આ લિંકને વાંકાનેર વિસ્તારના દરેક ગ્રુપમાં share કરો….

https://chat.whatsapp.com/Hpo1NX3xfPNGBiOIH1pAjL