ટંકારા – Wankaner Post https://wankanerpost.com Wed, 18 Oct 2023 11:08:28 +0000 en-US hourly 1 https://wordpress.org/?v=6.8.1 મોરબી જિલ્લામાં ગ્રામ રક્ષક દળ (GRD) તથા સાગર રક્ષક દળમાં માનદ સભ્યોની ખાલી 338 જગ્યાઓ પર ભરતી કરાશે… https://wankanerpost.com/morbi-dist-grd-and-srd-bharti-shj/ Wed, 18 Oct 2023 11:08:28 +0000 https://wankanerpost.com/?p=13045 મોરબી જિલ્લા ખાતે ગ્રામ રક્ષક દળ તથા સાગર રક્ષક દળમાં માનદ સભ્યોની ખાલી જગ્યાની યોગ્ય લાયકાત અનુસાર ભરતી કરવાની જાહેરાત કરવામાં આવી છે, જેમાં સમગ્ર મોરબી જિલ્લામાં ગ્રામ રક્ષક દળ તથા સાગર રક્ષક દળમાં કુલ- 338 માનદ સભ્યોની ખાલી રહેલ જગ્યાની ભરતી માટે ધો. ૩ પાસ કે તેથી વધુ તેમજ ઉંમર-૨૦ થી ૫૦ વર્ષ સુધીની લાયકાત ધરાવતા ઉમેદવારો અરજી કરી શકશે….

મોરબી જિલ્લામાં ખાલી રહેલ જગ્યાઓની વિગતો….

આ ભરતીમાં નિમણુક ઇચ્છતા ઉમેદવારોએ મોરબી તાલુકા, વાંકાનેર તાલુકા, માળીયા(મીં), ટંકારા, હળવદ વિસ્તારના અને શારીરિક તથા માનસિક સશક્ત ઉમેદવારોએ અરજી ફોર્મના નમુના સંબંધિત પોલીસ સ્ટેશન અથવા જી.આર.ડી. શાખા, રૂમ નં.૧૫, પોલીસ અધિક્ષકની કચેરી, નવા સેવાસદનની બાજુમાં, શોભેશ્વર રોડ, મોરબી-૨, ખાતેથી તા.૧૮/૧૦/૨૦૨૩ થી તા.૩૦/૧૦/૨૦૨૩ સુધીમાં કચેરી સમય સવારના ૧૦:૩૦ થી સાંજના ૦૬:૧૦ સુધીમાં રૂબરૂમાં મેળવવાના રહેશે. તા.૩૧/૧૦/૨૦૨૩ના સાંજના ૦૬:૧૦ કલાક સુધીમાં અરજી ફોર્મ જમા કરાવવાના રહેશે. ભરતી પ્રક્રીયાની વિગતવારની માહિતી “Morbi Police” ના ફેસબુક પેજ પર તથા અત્રેની જી.આર.ડી. શાખા તથા સંબંધિત પોલીસ સ્ટેશન ખાતેથી રૂબરૂ મેળવવા મોરબી જિલ્લા પોલીસ અધિક્ષક કચેરીના વી. ટી. વાઘેલાની યાદીમાં જણાવાયું છે….

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….🗞

👉🏻 અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..👇🏻👇🏻👇🏻

https://chat.whatsapp.com/Bq4pI92ve21LIWD7MA3Ibf

]]> ટંકારાના વિસ્તારમાંથી બાળકીનું અપહરણ કરનાર માસીને સુરતથી ઝડપી પાડતી વાંકાનેર સર્કલ તથા ટંકારા પોલીસ ટીમ…. https://wankanerpost.com/tankra-10-yr-sgira-aphrsn-wkr-cp/ Fri, 13 Oct 2023 09:39:11 +0000 https://wankanerpost.com/?p=12931

વાંકાનેર સર્કલ પોલીસ ઇન્સ્પેકટર તથા ટંકારા પોલીસ ટીમની સંયુક્ત ટીમે દસ વર્ષની સગીરાને મુક્ત કરાવી…

ટંકારાના ગ્રામ્ય પંથકમાંથી એક ૧૦ વર્ષની બાળકીનું તેની માસી દ્વારા અપહરણ કરવામાં આવ્યું હોય, જે બનાવને પગલે પોલીસે ગુનો નોંધી વધુ તપાસ વાંકાનેર સર્કલ પોલીસ ઇન્સ્પેકટર ટીમ અને ટંકારા પોલીસે ચલાવી હતી, જેમાં પોલીસે મહિલા આરોપીને સુરત ખાતેથી ઝડપી પાડી ભોગ બનનારને શોધી કાઢવામાં સફળતા મળી છે…

બનાવની પ્રાપ્ત વિગતો મુજબ ટંકારા પોલીસ મથકમાં થોડા દિવસ પૂર્વે ફરિયાદ નોંધાઈ હતી, જેમાં ફરિયાદીની ૧૦ વર્ષની દીકરીને આરોપી સોનુબેન ધરમસિંહભાઈ સોલંકી (રહે કોસાડ આવાસ, અમરોલી, સુરત) વાળી અપહરણ કરી લઇ ગઈ હોય, જે બનાવ મામલે ટંકારા પોલીસે ગત તા. ૦૫-૧૦ ના રોજ ગુનો નોંધી વધુ તપાસ ચલાવી હતી, આ બનાવમાં ટંકારા પોલીસ ટીમ અને વાંકાનેર સર્કલ પોલીસ ઇન્સ્પેકટરની ટીમે તપાસ ચલાવી હતી, જેમાં ટેકનીકલ માધ્યમ અને હુમન ઈન્ટેલીજન્સની મદદથી તપાસ કરતા આરોપી સુરત હોવાની માહિતી મળી હતી, જેથી ટીમે સુરત ખાતેથી આરોપી સોનુબેન ધરમસિંહભાઈ સોલંકીને ઝડપી પાડી ભોગ બનનાર બાળકીને છોડાવી તેનો કબજો વાલીને સોપવામાં આવ્યો હતો…

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….🗞

👉🏻 અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..👇🏻👇🏻👇🏻

https://chat.whatsapp.com/Bq4pI92ve21LIWD7MA3Ibf

]]> ટંકારાના નગરનાકા નજીકથી મેફેડ્રોન ડ્રગ્સના જથ્થા સાથે એક શખ્સને ઝડપી પાડતી મોરબી એસઓજી ટીમ… https://wankanerpost.com/tankara-nhrnaka-drug-mefodron/ Sun, 18 Jun 2023 04:20:50 +0000 https://wankanerpost.com/?p=11058 મોરબી એસઓજી પોલીસ ટીમ દ્વારા ચોક્કસ ખાનગી બાતમીને આધારે ટંકારા શહેરના નગરનાકા નજીકથી રાજકોટ-મોરબી રોડ પરથી મેફેડ્રોન ડ્રગ્સ પાવડરના જથ્થા સાથે મૂળ અમદાવાદ અને હાલ મોરબી રહેતા એક શખ્સને ઝડપી લીધો હતો, જેથી આ બનાવમાં રાજકોટના શખ્સનું નામ ખુલતાં પોલીસે બંને વિરુદ્ધ એનડીપીએસ એકટ અન્વયે ગુન્હો નોંધી બનાવની વધુ તપાસ શરૂ કરી છે…

બનાવની પ્રાપ્ત વિગતો મુજબ મોરબી એસઓજી ટીમના હેડ કોન્સ્ટેબલ જુવાનસિંહ ભરતસિંહને ખાનગી રાહે ચોક્કસ બાતમી મળેલ કે, મૂળ અમદાવાદનો અને હાલ મોરબીની ત્રાજપર ચોકડી નજીક લક્ષ્મીનારાણય એપાર્ટમેન્ટમા રહેતો જીતેન્દ્રભાઇ રામજીભાઇ પ્રજાપતિ ડ્રગના જથ્થા સાથે સીએનજી ઓટો રીક્ષા નંબર GJ 1 TB 3442 વાળીમાં બેસી રાજકોટ તરફથી મોરબી તરફ આવી રહ્યો છે. જેના આધારે પોલીસે ટંકારાના નગરનાકા નજીક વોચ ગોઠવી આરોપી જીતેન્દ્રભાઇ રામજીભાઇ પ્રજાપતિને 10.20 ગ્રામ મેફેડ્રોન ડ્રગ્સ સાથે પકડી પાડ્યો હતો…

બાબતે આરોપીની પ્રાથમિક પુછપરછમાં રાજકોટના રવિન્દ્ર ઉર્ફે આશીષભાઇ જીતેન્દ્રભાઇ રાવલની આ ગુનામાં સંડોવણી ખુલતાં એસઓજી ટીમે નાર્કોટીક્સ માદક પદાર્થ મેફેડ્રોન 10.20 ગ્રામ (કિંમત રૂ. 1,02,000), મોબાઇલ ફોન નંગ-2 (કિંમત રૂ. 10,000) તેમજ રોકડ રકમ રૂ‌. 1810 સહિત કુલ રૂ. 1,13,810નો મુદ્દામાલ કબ્જે કરી બન્ને આરોપીઓ વિરુદ્ધ ટંકારા પોલીસ મથકમાં એનડીપીએસ એકટ અન્વયે ગુન્હો રજીસ્ટર કરાવી બનાવની વધુ તપાસ શરૂ કરી છે…

મોરબી એસઓજી ટીમની આ સફળ કામગીરીમાં પીઆઇ એમ. પી. પંડ્યા, પીએસઆઇ એમ. એસ. અંસારી, કે. આર. કેસરીયા, એ.એસ.આઇ. રણજીતભાઇ બાવડા, રસીકભાઇ કડીવાર, સબળસિંહ સોલંકી, ફારૂકભાઇ પટેલ, કિશોરદાન ગઢવી, હેડ કો. જુવાનસિંહ રાણા, મહાવિરસિંહ પરમાર, મુકેશભાઇ જોગરાજીયા, શેખાભાઇ મોરી, સતિષભાઇ ગરચર, પોલીસ કોન્સ્ટેબલ ભાવેશભાઇ મિયાત્રા, આશીફભાઇ ચાણકીયા, માણસુરભાઇ ડાંગર, કમલેશભાઇ ખાંભલીયા, સામંતભાઇ છુછીયા, અંકુરભાઇ ચાચુ તથા અશ્વિનભાઇ વીરાભાઇ લોખિલ સહિતનો પોલીસ સ્ટાફ જોડાયો હતો…

મોરબી જિલ્લા વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….🗞

👉🏻 અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..👇🏻👇🏻👇🏻

https://chat.whatsapp.com/JaNtfP7Okw09RVWit8eWD1

]]> વાવાઝોડાના કારણે મોરબી જિલ્લામાં પ્રથમ મોત, માળીયા નજીક હોનેસ્ટ હોટલ પાસે ફેબ્રીકેશનની છત માથે પડતા મહિલાનું મોત…. https://wankanerpost.com/cyclone-mot-in-morbi-dist-honest/ Fri, 16 Jun 2023 15:48:46 +0000 https://wankanerpost.com/?p=11023

નાસ્તો કરવા બહાર નીકળેલ પતિ-પત્ની માથે હોનેસ્ટ હોટલ બહાર ફેબ્રીકેશનની છત પડતા દંપતી ખંડિત….

મોરબી જિલ્લામાં વાવાઝોડાના કારણે ઘણી જગ્યાએ નુકસાનીના બનાવો સામે આવ્યા બાદ હવે માળિયા નજીક આવેલ હોનેસ્ટ હોટેલમાં વાવાઝોડાને કારણે હોટલ બહાર ફેબ્રીકેશનની છત નીચે પડતાં એક મહિલાનું મોત થયું હોવાનો બનાવ સામે આવતા સમગ્ર જીલ્લામાં ચકચાર મચી ગયો છે…

બનાવની પ્રાપ્ત વિગતો મુજબ મોરબી જિલ્લામાં વાવાઝોડાને કારણે આજે વહેલી સવારથી જ ભારે પવન સાથે વરસાદ શરૂ થતાં અનેક જગ્યાએ નુકસાની થઈ હોવાની માહિતી સામે આવી હતી, જેમાં આજે મોરબી જિલ્લામાં વાવાઝોડાના કારણે પ્રથમ માનવ મૃત્યુ નો બનાવ સામે આવ્યો છે.

આ બનાવમાં નાની વાવડી ગામના વતની અશોકભાઈ કાસુન્દ્રા અને તેમના પત્ની રાજશ્રીબેન પોતાની કાર લઇને નાસ્તો કરવા માટે બહાર આવ્યા હોય જેમાં તેઓએ માળિયા હોનેસ્ટ હોટેલમાં હોલ્ટ કર્યો હોય દરમિયાન ભારે પવનના કારણે હોટેલ બહાર ફેબ્રીકેશનની પતરાની છત આ દંપતી પર પડતાં રાજશ્રીબેનનું મોત થયું હતું જ્યારે તેમના પતિને સામાન્ય ઈજાઓ પહોંચી હતી….

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….🗞

👉🏻 અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..👇🏻👇🏻

https://chat.whatsapp.com/JaNtfP7Okw09RVWit8eWD1

]]> મોરબી જિલ્લામાં વાવાઝોડાના સ્થળાંતરિત અસરગ્રસ્તોને વ્યક્તિ દીઠ સહાયની રકમ કેશ ડોલ્સ ચૂકવાશે… https://wankanerpost.com/cash-dolls-in-morbi-dist-for-cyclone/ Fri, 16 Jun 2023 15:18:30 +0000 https://wankanerpost.com/?p=11020

મહત્તમ પાંચ દિવસ માટે પુખ્ત વ્યક્તિને પ્રતિદિન રૂ. 100 અને બાળકને રૂ. 60ની રોકડ રકમની ચુકવણી કરાશે…

મોરબી જીલ્લામાં વાવાઝોડાને પગલે વહિવટી તંત્ર દ્વારા ઘણાબધા વિસ્તારોમાંથી અસરગ્રસ્તોને તાત્કાલિક અસરથી સ્થળાંતરિત કરવામાં આવ્યા હતા, જેમાં સરકારના નિયમો અનુસાર‌ આ તમામ સ્થળાંતરિતોધે કેશ ડોલ્સ ચુકવવા ઠરાવ કરવામાં આવ્યો છે, જેમાં મહત્તમ પાંચ દિવસ માટે પુખ્ત વ્યક્તિ દીઠ રૂ. 100 અને બાળક દિઠ રૂ. 60ની રોકડ રકમની ચુકવણી કરવામાં આવશે…

બાબતે પ્રાપ્ત માહિતી મુજબ રાજ્ય સરકારના મહેસુલ વિભાગના નાયબ સચિવ દ્વારા બીપરજોય વાવાઝોડાથી અસરગ્રસ્ત થયેલ જીલ્લામાં કેશ ડોલ્સની સહાય રોકડમાં આપવા બાબતે ઠરાવ કરવામાં આવ્યો છે, જેમાં જણાવ્યું છે કે મહેસુલ વિભાગના ઠરાવથી કુદરતી આપદા સમયે અસરગ્રસ્તોને દૈનિક રોકડ સહાય (કેશ ડોલ્સ) ચુકવવા નક્કી કરવામાં આવેલ હોય, જે અનુસંધાને મોરબી જિલ્લામાં વહિવટી તંત્ર દ્વારા બીપરજોય વાવાઝોડા દરમિયાન સ્થળાંતરિત કરવામાં આવેલ દરેક વ્યક્તિને મહત્તમ પાંચ દિવસ માટે પુખ્ય વયની વ્યક્તિ માટે રૂ. 100 પ્રતિદિન અને બાળક દીઠ રૂ. 60 પ્રતિદિન સહાય રોકડમાં ચૂકવવાનો ઠરાવ કરવામાં આવ્યો છે….

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….🗞

👉🏻 અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..👇🏻👇🏻👇🏻

https://chat.whatsapp.com/JaNtfP7Okw09RVWit8eWD1

]]> વાવાઝોડાના કારણે મોરબી જિલ્લાની તમામ શાળાઓમાં બે દિવસની રજા જાહેર, આચાર્યો-શિક્ષકોને વાવઝોડાની કામગીરીમાં જોડાવવા સૂચના…. https://wankanerpost.com/mrbi-scholl-close-2-day-vavajoda/ Mon, 12 Jun 2023 10:58:55 +0000 https://wankanerpost.com/?p=10954 મોરબી જીલ્લા પ્રાથમિક શિક્ષણાધિકારી દ્વારા જીલ્લાની તમામ સરકારી, ગ્રાન્ટેડ, નોન ગ્રાન્ટેડ શાળાના આચાર્યને બે દિવસ શાળામાં રજા રાખવા જાણ કરવામાં આવી છે, જેમાં જણાવ્યું છે કે વાવાઝોડાની સંભવિત અસરને ધ્યાને લઈને વિદ્યાર્થીઓની સલામતી માટે બે દિવસ શાળા બંધ રહેશે, જેથી તા. 14 અને 15 જુન બે દિવસ વિદ્યાર્થીઓ માટે શાળામાં રજા રાખવાની રહેશે…

આ સાથે જ તમામ શાળાના આચાર્યશ્રી તેમજ તમામ શિક્ષકોએ હેડક્વાર્ટ૨ ૫૨ ફ૨જીયાત હાજરી આપવાની રહેશે તેમજ વહિવટી તંત્ર સાથે સંકલન કરી કામગીરી બજાવવાની રહેશે. આ સમયગાળા દરમ્યાન કોઈપણ કર્મચારીની રજા મંજુ૨ ક૨વાની રહેશે નહીં, જેથી ગંભીરતાથી નોંધ લેશો તેનું જિલ્લા પ્રાથમિક શિક્ષણાધિકારીએ જણાવ્યું છે….

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….🗞

👉🏻 અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..👇🏻👇🏻👇🏻

https://chat.whatsapp.com/Lf0lWzBcCBiJspWDhyayrC

]]> મોરબી જિલ્લામાં આરટીઇ અંતર્ગત ધોરણ 1 માં પ્રવેશ માટે અરજી પ્રક્રિયા શરૂ…. https://wankanerpost.com/rte-online-application-strt-for-morbi/ Tue, 11 Apr 2023 07:52:17 +0000 https://wankanerpost.com/?p=9890

શૈક્ષણિક વર્ષ ૨૦૨૩-૨૪ અંતર્ગત ખાનગી શાળાઓમાં પ્રવેશ માટે આગામી તા.૨૨ એપ્રિલ સુધી અરજી કરી શકાશે….

બાળકોને મફત અને ફરજીયાત શિક્ષણના અધિકાર અધિનિયમ-2009 અન્વયે નબળા અને વંચિત જૂથોના બાળકોને શિક્ષણ મેળવવાનો અધિકાર પ્રાપ્ત થયેલો છે. જે અન્વયે મોરબી જિલ્લામાં નબળા અને વંચિત જૂથોના બાળકોને ૨૫ % મુજબ ખાનગી પ્રાથમિક શાળાઓમાં ધોરણ 1 માં વિનામૂલ્યે પ્રવેશ મેળવવા માટે અરજી પ્રક્રિયા શરૂ કરવામાં આવી છે…

ઓનલાઈન અરજી કરતી વખતે જરૂરી તમામ આધાર-પુરાવા સ્પષ્ટ રીતે વાંચી શકાય તે માટે સ્કેન કરીને અપલોડ કરવાના રહેશે. ‘રાઈટ ટુ એજ્યુકેશન’ હેઠળ પ્રવેશ મેળવવા માટે ઓનલાઇન વેબ પોર્ટલ http://rte.orpgujarat.com પર જઈને આગામી તા.૨૨ એપ્રિલ સુધી અરજી કરી શકાશે. વાલીએ ઓનલાઈન ફોર્મ ભરતી વખતે જરૂરી આધાર-પુરાવા જેવા કે જન્મ-તારીખનો દાખલો, રહેઠાણનો પુરાવો, જાતિ/કેટેગરીનો દાખલો, તેમજ આવકનો દાખલો (લાગુ પડતો હોય ત્યાં) વગેરે ઓનલાઈન અપલોડ કરવાનો રહેશે…

પાન કાર્ડ(PAN CARD) ન ધરાવતા / પાન કાર્ડ(PAN CARD) ધરાવતા હોય પરંતુ ઈન્કમટેક્ષ રીટર્ન ભરેલ ન હોય તે કિસ્સામાં આવકવેરાને પાત્ર આવક ન થતી હોવા અંગેનું નિયત નમૂનાનું સેલ્ફ ડિક્લેરેશન ઓનલાઈન ફોર્મ ભરતી વખતે ફરજીયાત અપલોડ કરવાનું રહેશે. ઓનલાઈન ફોર્મની પ્રિન્ટ વાલીઓએ પોતાની પાસે રાખવાની રહેશે. ખોટા આધાર પુરાવા રજૂ કરીને પ્રવેશ મેળવેલનો પ્રવેશ રદ કરવામાં આવશે અને કાયદેસરની કાર્યવાહી કરવામાં આવશે….

એક વખત ઓનલાઇન અરજી કર્યા બાદ અન્ય કોઈપણ સ્થળે અરજી જમા કરાવવાની રહેશે નહીં. આ અંગે વધુ માહિતી મેળવવા માટે https://rte.orpgujarat.com વેબસાઈટ તેમજ મોરબી જિલ્લા માટે હેલ્પ લાઈન નંબર (૦૨૮૨૨ ) ૨૯૯૧૦૬ પર સંપર્ક કરી શકાશે. તેમ મોરબી જિલ્લા પ્રાથમિક શિક્ષણાધિકારીશ્રીની યાદીમાં જણાવાયું છે…

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….🗞

👉🏻 અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..👇🏻👇🏻👇🏻

https://chat.whatsapp.com/Lk9VeBiwaWLADeOOKfmVDU

]]> મોરબી જિલ્લાના નાગરિકો માટે મતદારયાદી સુધારણા કાર્યક્રમ યોજાશે, 20 એપ્રિલ સુધીમાં વાંધા અરજી કરી શકાશે…. https://wankanerpost.com/matdar-yadi-sudharna-april-2023-v/ Wed, 05 Apr 2023 12:40:04 +0000 https://wankanerpost.com/?p=9815 બુથ પર ન જવા માંગતા લોકો NVSP અને VHA નો ઉપયોગ કરી પોતાના હક-દાવા રજૂ કરી શકશે…

મતદારયાદી ખાસ સંક્ષિપ્ત સુધારણા કાર્યક્રમ અન્વયે ચૂંટણી પંચ દ્વારા જાહેર કરવામાં આવેલી વિગતો અનુસાર મોરબી ચૂંટણી શાખા દ્વારા મોરબી જિલ્લા મતદારયાદી સુધારણા કાર્યક્રમ હાથ ધરવામાં આવનાર છે. આ મતદારયાદી સુધારણા કાર્યક્રમ હેઠળ પ્રસિદ્ધ કરવામાં આવેલ સંકલિત મતદારયાદીના મુસદ્દા અન્વયે તારીખ ૨૦-૦૪-૨૦૨૩ સુધી હક-દાવા તથા વાંધા અરજી રજૂ કરી શકાશે. આ હક-દાવા તથા વાંધા અરજીનો તારીખ ૨૮-૦૪-૨૦૨૩ સુધીમાં નિકાલ કરવામાં આવશે. મતદારયાદીના હેલ્થ પેરામીટર્સની ચકાસણી અને આખરી પ્રસિદ્ધિ માટે ચૂંટણી પંચની પરવાનગી મેળવવાની કામગીરી તેમજ ડેટાબેઝને અદ્યતન કરવાની અને પૂરવણી યાદીઓ જનરેટ કરવાની કામગીરી તારીખ ૦૪-૦૫-૨૦૨૩ સુધીમાં કરવામાં આવનાર છે. જ્યારે મતદારયાદીની આખરી પ્રસિદ્ધિ તારીખ ૧૦-૦૫-૨૦૨૩ ના કરવામાં આવશે. ઉપરાંત ખાસ ઝુંબેશની તારીખો ECI દ્વારા અલગથી જાહેર કરવામાં આવનાર છે…

આ મતદારયાદી સુધારણા કાર્યક્રમ અન્વયે જે લોકોને બુથ પર જવું ન હોય તે લોકો NVSP અને VHA નો ઉપયોગ કરી પોતાના હક-દાવા રજૂ કરી શકે છે. આ બાબતે કોઈ મુશ્કેલી ઉભી થાય તો જિલ્લા કક્ષાએ ચાલતા ડિસ્ટ્રિક્ટ કોન્ટેક્ટ સેન્ટરના ટોલ ફ્રી નંબર ૧૯૫૦ પર ફોન કરી પોતાની સમસ્યાનો ઉકેલ મેળવી શકે છે. તંદુરસ્ત મતદારયાદી થાય તૈયાર થાય તે માટે આ કાર્યક્રમમાં મોરબી જિલ્લાની તમામ જનતાને ભાગ લેવા જિલ્લા ચૂંટણી અધિકારીશ્રી અને જિલ્લા કલેક્ટરશ્રી જી.ટી. પંડ્યા દ્વારા જાહેર અપીલ કરવામાં આવી છે…

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….🗞

👉🏻 અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..👇🏻👇🏻👇🏻

https://chat.whatsapp.com/Lk9VeBiwaWLADeOOKfmVDU

]]> મોરબી જિલ્લામાં આવતીકાલથી ધોરણ 10 તથા 12 બોર્ડની પરીક્ષાનો પ્રારંભ…. https://wankanerpost.com/morbi-dist-bord-exam-start-14-03/ Mon, 13 Mar 2023 14:25:50 +0000 https://wankanerpost.com/?p=9516 સમગ્ર રાજ્યની સાથે મોરબી જિલ્લામાં આવતીકાલે 14 માર્ચથી ધો.10 અને 12ની બોર્ડની પરીક્ષા શરૂ થનાર છે, ત્યારે જિલ્લા કલેક્ટરના વડપણ હેઠળ બનેલી શિક્ષણ સમિતિ દ્વારા આ બોર્ડની પરીક્ષાની તમામ તૈયારીઓ પૂર્ણ કરી અને બોર્ડની પરીક્ષાની તૈયારીઓને આખરી ઓપ આપવામાં આવ્યો છે. જેમાં બોર્ડના પેપરો સ્ટ્રોંગ રૂમમાં સિલ કરી વિદ્યાર્થીઓની સંખ્યા બિલ્ડીંગ, બ્લોકમાં બેઠક વ્યવસ્થા, સીટ નબર ફાળવી ઉત્તરવહી અને પુરવણીની ચકાસણી કરવામાં આવી હતી….

મોરબી જીલ્લામાં બોર્ડની પરીક્ષા અંગે ઝોનલ અધિકારી બી.આર, વિડજા અને ભાલોડીયાએ જણાવ્યું હતું કે, ધો.10 અને 12ની બોર્ડની પરીક્ષા આવતીકાલથી શરૂ થવાની હોવાથી આ પરિક્ષાને લગતી તમામ તૈયારીઓ પૂર્ણ કરી દેવામાં આવી છે. બોર્ડની પરીક્ષાનું રિસીવિંગ અને ડિસપેચ સેન્ટર મોરબીની બોયઝ હાઈસ્કૂલ ખાતે રાખવામાં આવ્યું છે. જેમાં ઉત્તરવહી અને પુરવણીની ચકાસણી તેમજ રૂટ પણ નક્કી કરી દેવામાં આવ્યા છે સ્થળ સંચાલકથી માંડીને તમામ સ્ટાફને ફાળવી દેવામાં આવ્યો છે અને આ ડિસેપચ તેમજ રિસીવિંગ સેન્ટરમાં આજે બોર્ડની પરીક્ષાના તમામ સિલબંધ કવરમાં પેપરો આવી ગયા છે. જેને અધિકારીઓ અને પોલીસની હાજરીમાં સ્ટ્રોગમાં રૂમમાં સિલ કરી દેવામાં આવ્યા છે.

આવતીકાલથી પરીક્ષા શરૂ થાય ત્યારે નિધારીત સમયે અધિકારીઓ અને પોલીસની હાજરીમાં આ સ્ટોગ રૂમ ખોલશે અને પેપર લીક ન થાય તે માટે તમામ તકેદારી રાખી સુરક્ષા વ્યવસ્થા સઘન બનાવવામાં આવી છે. જેમાં અધિકારીઓ અને પોલીસની હાજરીમાં જ સીલબંધ કવરોમાં પેપરો વાહન મારફત જે તે પરીક્ષા કેન્દ્રોમાં મોકલાશે અને પરીક્ષા પુરી થાય બાદ ઉત્તરવહીઓ પોલીસની હાજરીમાં પરત લાવીને સ્ટોગ રૂમમાં ફરી સીલ કરી દેવાશે….

ઉત્તરવહી અને પુરવણી મોટા પ્રમાણમાં આવી ગઈ હોય એની ચકાસણી કરી કઈ બિલ્ડીંગના બ્લોકમાં કેટલી મોકલાવી તેની તૈયારીઓ પણ પૂર્ણ કરી દેવાય છે. ધો.12ના વિજ્ઞાન, સામાન્ય પ્રવાહ અને ધો.10ની બોર્ડની પરીક્ષાના અલગ ઝોન ફાળવી તમામ તમામ બિલ્ડીંગના બ્લોકને સીસીટીવીથી સુરક્ષિત કરાયા છે. પરીક્ષામાં ગેરરીતિની ચકાસણી માટે રાજ્યની સ્ક્વોડ ઉપરાંત સ્થાનિક કક્ષાએ જિલ્લા કલેકટરની અધ્યક્ષતામાં કલાસ વન-ટુ ના અધિકારીઓ સુપરવિઝન કરશે. આ ઉપરાંત પરીક્ષાના પેપરો પણ સીસીટીવી સમક્ષ અને બે વિદ્યાર્થીઓની સહી તેમજ સ્થળ સંચાલક અને પોલીસની હાજરીમાં ખોલીને વિતરણ કરાશે, જ્યારે દિવ્યાગો માટે અલગ વ્યવસ્થા કરવામાં આવી છે. જેમાં જિલ્લાના કુલ 49 દિવ્યાંગ વિધાર્થીઓ માટે દરેક બિલ્ડીંગમાં ભોંયતળિયે પહેલા બ્લોકમાં બેઠક વ્યવસ્થા ગોઠવવામાં આવી છે. જેમને લહિયાની મંજૂરી મળી હશે એમને લહિયા સાથે પરીક્ષા આપવા દેવાશે. જ્યારે રિપીટર અને ખાનગી વિદ્યાર્થીઓ માટે અલગ નહિ પણ અન્ય સામાન્ય વિદ્યાર્થીઓ સાથે બેઠક વ્યવસ્થા ગોઠવવામાં આવી છે.

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….🗞

👉🏻 અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..👇🏻👇🏻👇🏻

https://chat.whatsapp.com/Lf0lWzBcCBiJspWDhyayrC

]]> મોરબી જિલ્લાના તમામ ફાર્મસી/કેમીસ્ટોની દુકાનો પર 20 માર્ચ પહેલા CCTV કેમેરા લગાવવા ફરજીયાત…. https://wankanerpost.com/cctv-camera-in-all-chemist-shop/ Fri, 10 Mar 2023 11:49:48 +0000 https://wankanerpost.com/?p=9491 મોરબી જિલ્લાના તમામ જથ્થાબંધ તેમજ છુટક દવાઓની દુકાનો ખાતે આગામી 20 માર્ચ પહેલા ફરજીયાત પણે CCTV કેમેરા લગાવવા અંગે મોરબી અધિક જિલ્લા મેજીસ્ટ્રેટ દ્વારા જાહેરનામું બહાર પાડવામાં આવ્યું છે…

રાષ્ટ્રીય બાળ સંરક્ષણ આયોગ (NCPCR) ભારત સરકાર અને માદક પદાર્થ નિયંત્રણ કચેરી (NCB) દ્વારા સંયુક્ત એક્શન પ્લાન અનુસાર બાળકોમાં ડ્રગ્સ અને માદક દ્રવ્યોનો ઉપયોગ રોકવા અને ગેરકાયદેસર હેરફેર અટકાવવા માટે “એક યુધ્ધ નશે કે વિરૂધ્ધ અને નશા મુક્ત ભારત” નું લક્ષ્યાંક નકકી કરવામાં આવ્યું છે. જે અનુસાર શાળાઓ/શૈક્ષણિક સંસ્થાઓની આસપાસના વિસ્તારમાં દવાઓનું વેચાણ કરતાં મેડીકલ સ્ટોર ઉપરથી શીડ્યુલ H, H1 અને X પ્રકારની દવાઓ બાળકો/અન્યને ડોક્ટર લેખિત લખાણ સિવાય વેચાણ કરવા પર પ્રતિબંધ તેમજ ફાર્મસી/કેમીસ્ટની દુકાનો ખાતે ફરજીયાત CCTV કેમેરા લગાવવા સુચના આપવામાં આવી છે…

આ પ્રકારની ડોક્ટરના લેખિત લખાણ સિવાય પ્રતિબંધિત દવાઓનું બાળકો/અન્યને વેચાણ કરવા અને પદાર્થ રાખવા ચોક્કસ બાબતનું નિયમન કરવાની જોગવાઇ કરેલ છે. આથી અધિક જિલ્લા મેજીસ્ટ્રેટ એન. કે. મુછાર દ્વારા જહેરનામું બહાર પાડી હુકમો ફરમાવવામાં આવ્યા છે, જે અનુસાર મોરબી જિલ્લામાં આવેલ તમામ જથ્થાબંધ તેમજ છુટક દવાઓની દુકાનો ખાતે ફરજીયાત CCTV કેમેરા લગાડવાના રહેશે. CCTV કેમેરાની ગોઠવણી તે જગ્યામાં પ્રવેશતા વ્યક્તિઓના ચહેરા સ્પષ્ટ રીતે દેખાય તે રીતે લગાડવાના રહેશે. તેમજ ઉક્ત એકમના અંદરના ભાગોમાં પણ નિયત સંખ્યામાં સંપૂર્ણ એકમને આવરી લેતા CCTV કેમેરા અંદર તથા બહાર લગાડવાના રહેશે. તેમજ તેના બેકઅપની જાળવણી એક માસ સુધી રાખવાની રહેશે.

ઉપરોક્ત એકમ ખાતે CCTV કેમેરા જે તે સમયે ઉપલબ્ધ અદ્યતન ટેકનોલોજીવાળા અને નાઇટ વિઝન સુવિધા વાળા અને નિયત કરેલ સ્ટોરેજ કેપેસીટી સાથેની સુવિધા વાળા લગાવવાના રહેશે. તમામ CCTV કેમેરામાં ભારતીય માનક અનુસારના ચોક્કસ સમય અને તારીખ નિયત કરવાના રહેશે. દવાઓની દુકાનમાંથી વેચાણ કરવામાં આવતી શીડયુલ H, H1 અને X પ્રકારની દવાઓના વેચાણ સબંધિત રજીસ્ટરનું ડિજિટાઇઝેશન પણ કરવાનુ રહેશે. જેમાં આ હુકમનો અનાદાર કે ભંગ કરનાર અથવા તેમ કરવામાં મદદગારી કરનાર સામે કાયદેસરની કાર્યવાહી કરવામાં હુકમ બહાર પાડવામાં આવ્યો છે….

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….🗞

👉🏻 અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..👇🏻👇🏻👇🏻

https://chat.whatsapp.com/Lf0lWzBcCBiJspWDhyayrC

 

]]>