ગેસને જીએસટીના દાયરામાં લેવા પણ ભલામણ, હવે દર મહિને નેચરલ ગેસની કિંમત નક્કી થશે…

કેન્‍દ્ર સરકારે નેચરલ ગેસની કિંમત નક્કી કરવાની નવી ફોર્મ્‍યુલાને મંજૂરી આપી છે. સાથે જ પાઇપ દ્વારા સપ્‍લાય કરવામાં આવતા સીએનજી, પીએનજી અને LPGના ભાવની મહત્તમ મર્યાદા પણ નક્કી કરવામાં આવી છે. જેના કારણે સીએનજી અને પીએનજીના ભાવમાં 10 ટકાનો ઘટાડો થવાની શક્યતા છે. વડાપ્રધાન મોદીની અધ્‍યક્ષતામાં મળેલી કેબિનેટની બેઠકમાં કુદરતી ગેસ માટે કિરીટ પરીખ સમિતિની ભલામણોને મંજૂરી આપવામાં આવી હતી….

માહિતી અને પ્રસારણ પ્રધાન અનુરાગ ઠાકુરે બાબતે માહિતી આપતા જણાવ્‍યું હતું કે, પરંપરાગત ક્ષેત્રમાંથી ઉત્‍પાદિત કુદરતી ગેસ હવે યુએસ-રશિયાની જેમ ક્રૂડ ઓઇલની કિંમતો સાથે જોડવામાં આવશે. વધુમાં હાલમાં દર છ મહિને ગેસના દર નક્કી કરવામાં આવે છે. જેની બદલે હવે દર મહિને ગેસના ભાવ નક્કી કરવામાં આવશે. ગેસ ઉત્‍પાદનને પ્રોત્‍સાહિત કરવા માટે, વધારાના ઉત્‍પાદન પર 20 ટકા પ્રીમિયમ આપવાનો પ્રસ્‍તાવ કરાયો છે. જો વર્તમાન ઉત્‍પાદકો ગેસનું ઉત્‍પાદન વધારશે, તો તેમને જાહેર કરેલ કિંમત ઉપરાંત 20 ટકા પ્રીમિયમના સ્‍વરૂપમાં પ્રોત્‍સાહન આપવામાં આવશે. આનાથી ઉત્‍પાદકોને નવી ટેકનોલોજીનો ઉપયોગ કરીને ઉત્‍પાદન વધારવા માટે પ્રોત્‍સાહિત કરવામાં આવશે…

વધુમાં પરીખ કમિટીએ ગેસને જીએસટીના દાયરામાં લાવવાની પણ ભલામણ કરી છે. જેમાં ગેસ પર 3 ટકાથી માંડીને 24 ટકા સુધીનો સામાન્‍ય ટેક્‍સ લગાવવાની ભલામણ કરવામાં આવી છે. તેનાથી ગેસ માર્કેટને પ્રોત્‍સાહન આપવામાં મદદ મળશે. ઉલ્લેખનીય છે કે, આંતરરાષ્ટ્રીય બજારમાં એનર્જીના ભાવમાં વધારાને કારણે દેશમાં સીએનજી અને પીએનજીના ભાવમાં એક વર્ષમાં 80 ટકાનો વધારો થયો છે. આ નિર્ણયથી સીએનજી અને પીએનજીના ભાવમાં ઘટાડો થઈ શકે છે….

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/Lk9VeBiwaWLADeOOKfmVDU

બાબતે મળતી માહિતી અનુસાર અત્યાર સુધી 51 લાખ લોકોના પાન આધાર કાર્ડ લિંક થયા હોવાનું જાણવા મળ્યું છે. સરકારે કહ્યું છે કે જો નક્કી કરાયેલી તારીખ સુધીમાં તમારું પાન કાર્ડ અને આધાર કાર્ડ લિંક નહીં હોય તો તમારે મોટો દંડ ભરવો પડશે. જો તમારું પાનકાર્ડ નિષ્ક્રિય થઈ જશે તો તેને ફરીથી સક્રિય કરવા માટે, તમારે 10,000 રૂપિયાની પેનલ્ટી ચૂકવવી પડશે. જેનાથી બચવા માટે નાગરિકોએ તા. 30 જુન સુધીમાં આધાર કાર્ડ અને પાનકાર્ડ લિંક કરવાનું રહેશે અને તેના માટે માત્ર 1,000 રૂપિયાનો દંડ ચૂકવવો પડશે….

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/Lk9VeBiwaWLADeOOKfmVDU

આગામી હજયાત્રા માટે કેન્દ્રીય લઘુમતી બાબતોના મંત્રાલય દ્વારા સોમવારે નવી હજ પોલિસી 2023 જાહેર કરવામાં આવી છે. જેમાં ભારત સરકારે નવી હજ પોલિસીમાં કેટલાક નવા ફેરફારો કર્યા છે. દર વર્ષે દેશમાં સૌથી વધુ સંખ્યામાં હજયાત્રીઓ યુપીમાંથી હજ પર જાય છે….

નવી નીતિની વિશેષતાઓ…

~ નવા આદેશ મુજબ આ વખતે હજ યાત્રા માટે અરજી મફત હશે…
~ હવે જનાર વ્યક્તિએ 50000 થી 60000 ઓછો ખર્ચ કરવો પડશે…
~ ગત હજ યાત્રામાં સામાન્ય હજ યાત્રીનો સરેરાશ ખર્ચ 390000 હતો જે આ વખતે ઘટશે.‌.
~ હજયાત્રામાં હાજીનો રોકાણનો સમયગાળો 40ને બદલે 30 દિવસનો રહેશે. જરૂર વાંચ્યા પછી જ 30 દિવસથી લંબાવવામાં આવશે…

~ અગાઉ અરજી કરતી વખતે સૂટકેસ, છત્રીની થેલી, ચાદરના પૈસા લેવામાં આવતા હતા, હવે એવું નહીં થાય, મુસાફરો પોતાના હિસાબે ખરીદી શકશે. તેનાથી પૈસાની પણ બચત થશે…
~ આ વખતે હજયાત્રામાં વૃદ્ધો, વિકલાંગો અને 70 વર્ષથી વધુ વયની મહિલાઓને પ્રાથમિકતા મળશે…
~ 45 વર્ષથી ઉપરની કોઈપણ મહિલા વ્યક્તિગત રીતે પણ અરજી કરી શકે છે. પહેલા ચાર મહિલાઓ સાથે જવાનો નિયમ હતો…

~ 175000 હજ યાત્રીઓમાંથી 80 ટકા હજ કમિટી ઓફ ઈન્ડિયા દ્વારા જશે, 20 ટકા હજ યાત્રીઓ હજ ગ્રુપ ઓર્ગેનાઈઝર દ્વારા જશે…
~ આ વખતે 25 એમ્બર્ગો પોઈન્ટ બનાવવામાં આવશે. તે હાજીની પસંદગી હશે કે તેણે કયા પ્રતિબંધ બિંદુથી જવું જોઈએ…

~ આ વખતે હાજીનું આરોગ્ય તપાસ માત્ર સરકારી આરોગ્ય કેન્દ્રમાં જ થશે, ખાનગી હોસ્પિટલનું ચેકઅપ માન્ય રહેશે નહીં….
~ દરેક રાજ્યની હજ કમિટીના એક અધિકારી પણ હજ પર જશે…
~ હવે દર વર્ષે હજ પોલિસી જારી કરવામાં આવશે. અગાઉ તે 5 વર્ષ માટે નક્કી કરવામાં આવ્યું હતું….

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/JaNtfP7Okw09RVWit8eWD1

વ્યાજદર અંગે નિર્ણય લેવા માટે 6 ફેબ્રુઆરીથી મોનેટરી પોલિસી કમિટીની બેઠક ચાલી રહી હતી. RBI ગવર્નર શક્તિકાંત દાસે બુધવારે સવારે પ્રેસ-કોન્ફરન્સમાં વ્યાજદરો સંબંધિત જાહેરાત કરી હતી. અગાઉ ડિસેમ્બરમાં યોજાયેલી બેઠકમાં વ્યાજદર 5.90%થી વધારીને 6.25% કરવામાં આવ્યો હતો. જે બાદ આ બીજો વધારો કરવામાં આવ્યો છે….

મોનેટરી પોલિસીની મિટિંગ દર બે મહિને મળે છે. આ નાણાકીય વર્ષની પ્રથમ બેઠક એપ્રિલમાં મળી હતી. ત્યારે RBIએ રેપો રેટને 4% પર સ્થિર રાખ્યો હતો, પરંતુ આરબીઆઈએ 2 અને 3 મેના રોજ ઈમર્જન્સી મીટિંગ બોલાવીને રેપો રેટમાં 0.40%થી 4.40% સુધીનો વધારો કર્યો હતો…

રેપો રેટમાં આ ફેરફાર 22 મે 2020 પછી થયો હતો. આ પછી 6થી 8 જૂનના રોજ યોજાયેલી બેઠકમાં રેપો રેટમાં 0.50%નો વધારો કરવામાં આવ્યો હતો. આનાથી રેપો રેટ 4.40%થી વધીને 4.90% થયો. પછી ઓગસ્ટમાં એમાં 0.50%નો વધારો કરીને એને 5.40% કરવામાં આવ્યો. સપ્ટેમ્બરમાં વ્યાજદર વધીને 5.90% થઈ ગયા. ત્યાર બાદ ડિસેમ્બરમાં વ્યાજદર 6.25% પર પહોંચી ગયા. હવે વ્યાજદર 6.50% પર પહોંચી ગયો છે….

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/JaNtfP7Okw09RVWit8eWD1

પોલ્ટ્રી ફાર્મમાં 12 શખ્સોએ બંદુકની અણીએ લૂંટ ચલાવી, ત્રણ ટ્રકમાં પાંચ હજાર જેટલા મરઘીના બચ્ચા ભરી લૂંટારૂઓ ફરાર….

ભૂખમરા અને આર્થિક બેહાલી સહી રહેલા પાકિસ્તાનમાં આટા, દાલ, તેલ જેવી રોજેરોજની જરૂરીયાતોની તંગી વેઠી રહ્યું છે. વીજળીનું પણ સંકટ છે, પરંતુ હવે તો ત્યાં મરઘાં-બતકાંની પણ ચોરી શરૂ થઇ ગઇ છે. પાકિસ્તાનના પંજાબ પ્રાંતમાં આવેલા રાવલપિંડી જિલ્લાના જટલી ગામે 12 સશસ્ત્ર લૂંટારૂઓએ એક પોલ્ટ્રી ફાર્મ ઉપર ધાડ પાડી હતી અને ફાર્મમાં કામ કરતા કર્મચારીઓને બંધક બનાવી પાંચ હજાર મરઘીના બચ્ચા ઉઠાવી રફુચક્કર થઇ ગયા હતા….

આ અંગે પોલ્ટ્રી ફાર્મના માલિક વકાસ અહમદે પોલીસ ફરિયાદમાં જણાવ્યું હતું કે, સોમવારે રાત્રે ૧૨ વાગ્યાની આસપાસ કેટલાક હથિયારબંધ લુંટારૂઓ તેમના ફાર્મ પર આવી પહોંચ્યા હતા અને ફાર્મના 3 નોકરોને બંધક બનાવી દીધા હતા. લૂંટારૂઓ ત્રણ મિની ટ્રક અને બે બાઇક પર આવ્યા હતા, જે બાદ તેઓએ કર્મચારીઓને બાંધી બાથરૂમમાં પૂરી અને ત્રણ ટ્રકમાં રૂ. 30 લાખની કીંમતના પાંચ હજાર જેટલા મરઘીનાં બચ્ચા તથા મરઘાં ઊઠાવી ગયા હતા…

તે પછી બીજે દિવસે સવારે ગામના લોકોએ બાથરૂમમાં બંધ કરાયેલા કર્મચારીઓને બહાર કાઢી અને પોલ્ટ્રી ફાર્મના માલિકે જાણ કરતા આ અંગે બીજે દિવસે પોલીસ ફરિયાદ નોંધાવી પરંતુ હજી સુધી તે લૂંટારૂઓનો પત્તો મળ્યો નથી…

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/JaNtfP7Okw09RVWit8eWD1

આ સિવાય 23 અને 25 જાન્યુઆરીએ પંજાબ, હરિયાણા, ઉત્તર પ્રદેશ અને ઉત્તર રાજસ્થાન સહિત ઉત્તર-પશ્ચિમ ભારતના મેદાની વિસ્તારોમાં વરસાદની સંભાવના છે. આ સાથે 50 કિમી પ્રતિ કલાકની ઝડપે ફૂંકાતા ઠંડા પવનોને કારણે લોકોની મુશ્કેલીમાં વધારો થશે….

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/JaNtfP7Okw09RVWit8eWD1

ગત વર્ષ કરતાં આ વર્ષે બમણાં કરતા વધુ ભારતીયો હજ પર જશે…

સાઉદી અરેબિયાએ વર્ષ 2023 માટે ભારતમાંથી હજ યાત્રીઓની સંખ્યામાં વધારો કર્યો છે. આ વર્ષે ભારતમાંથી કુલ 1,75,025 ભારતીયો હજ યાત્રા પર જઈ શકશે. કહેવામાં આવી રહ્યું છે કે, આ સંખ્યા ઈતિહાસમાં સૌથી વધુ છે. ગત વર્ષે ભારતમાંથી ફક્ત 79,237 લોકો જ હજ કરી શક્યા હતા. જેમાં અગાઉ સાઉદી અરેબિયાએ ક્યારેય ભારતીયો માટે આટલો મોટો ક્વોટા અનામત રાખ્યો ન હતો. ભારત અને સાઉદી અરેબિયા વચ્ચે જેદ્દાહમાં આ અંગે દ્વિપક્ષીય કરાર પર હસ્તાક્ષર કરવામાં આવ્યા છે જેની જાહેરાત સોમવારે કરવામાં આવી હતી…

ભારતમાંથી હજ પર જવાની સૌથી વધુ સંખ્યા ઉત્તર પ્રદેશના લોકોની હશે. ઉત્તર પ્રદેશના ધારાસભ્ય અને હજ બાબતોના મંત્રી મોહસિન રઝાએ માહિતી આપી છે કે, ઉત્તર પ્રદેશમાંથી સૌથી વધુ લોકો હજ પર જશે. તેમણે કહ્યું હતું કે, ઉત્તર પ્રદેશમાંથી આ વર્ષે હજ યાત્રા માટે કુલ 30 હજાર કરતાં વધુ લોકો સાઉદી અરેબિયા જશે….

છેલ્લા કેટલાક વર્ષોમાં કોવિડને ધ્યાનમાં રાખીને સાઉદી અરેબિયાએ સમગ્ર વિશ્વમાંથી હજ યાત્રીઓની સંખ્યા મર્યાદિત કરી હતી. વર્ષ 2019માં જ્યાં 1.4 લાખ લોકોએ હજ કરી હતી. તે પછીના વર્ષે આ સંખ્યા ઘટીને 1.25 લાખ થઈ ગઈ હતી. પરંતુ કોવિડ મહામારીને ધ્યાનમાં રાખીને વર્ષ 2020 માં હજ યાત્રા રદ કરવામાં આવી હતી. વર્ષ 2022માં 79,237 ભારતીયો હજ માટે સાઉદી અરેબિયા ગયા હતા. જે સંખ્યામાં આ વર્ષે બમણો વધારો કરવામાં આવ્યો છે. વિશ્વભરના સક્ષમ મુસ્લિમો માટે જીવનમાં એક વાર હજ પર જવું ઈસ્લામમાં આવશ્યક ફરજ માનવામાં આવે છે. ભારતીય મુસ્લિમોમાં પણ હજ યાત્રા ખૂબ જ લોકપ્રિય છે પરંતુ કઈ વ્યક્તિ હજ યાત્રા કરી શકશે. તે દર વર્ષે ડ્રો સિસ્ટમ હેઠળ નક્કી કરવામાં આવે છે…

સાઉદી અરેબિયા દ્વારા ભારતીયો માટે રાખવામાં આવેલા ઓછા ક્વોટાને કારણે ઘણા ભારતીયો હજ પર જવાથી દૂર રહેતા હતા, પરંતુ આ વખતે ક્વોટામાં વધારો થવાને કારણે ઘણા ભારતીય મુસ્લિમોને હજ પર જવાની તક મળવાની છે. જૂનથી શરૂ થનારી હજ યાત્રા માટે ભારતીયોએ કેટલો ખર્ચ કરવો પડશે તે અંગે હજુ સ્પષ્ટતા કરવામાં આવી નથી. પરંતુ ડોલર સામે ભારતીય રૂપિયો ઘટવાને કારણે આ વખતે લોકોને હજ માટે વધુ ખર્ચ કરવો પડી શકે છે.‌..

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/JaNtfP7Okw09RVWit8eWD1

પાકિસ્‍તાનની આર્થિક સ્‍થિતિ ખરાબ થઈ રહી છે. લોકો રોટી માટે જીવ જોખમમાં મુકવા મજબૂર છે. લોકોની થાળીમાંથી માત્ર રોટલી જ નહીં, પરંતુ લોકો અન્‍ય રોજીંદી જરૂરી વસ્‍તુઓ માટે પણ તલપાપડ થઈ રહ્યા છે. જે સામાન ભારતમાં ગલીના ખૂણેની દુકાન પર પણ સરળતાથી મળી રહે છે, પાકિસ્‍તાનમાં લોકો તેમના માટે મરવા માટે તૈયાર છે જે સૌથી ખરાબ તબક્કામાંથી પસાર થઈ રહ્યું છે…

લોટ, દૂધ, ચોખાથી માંડીને ચિકન, ખાદ્યતેલથી લઈને પેટ્રોલ-ડીઝલ સુધીની વસ્‍તુઓ લોકોની પહોંચ બહાર થઈ રહી છે. પાકિસ્‍તાનમાં મોંઘવારીની સ્‍થિતિ એ છે કે મોંઘવારી દર ૨૪.૫ ટકાની ઊંચી સપાટીએ પહોંચી ગયો છે. ભાવ વધારાથી લોકો અનાજ પર નિર્ભર બન્‍યા છે. ઘણા પ્રાંતોના શહેરોમાં લોકો એલપીજી વિના જીવી રહ્યા છે અને જ્યાં ગેસ પણ ઉપલબ્‍ધ છે ત્‍યાં સિલિન્‍ડરની કિંમત સાંભળીને લોકો અચંબામાં પડી ગયા છે.આવશ્‍યક ચીજવસ્‍તુઓની યાદી પર નજર કરીએ તો દેશમાં ઘઉંની અછતએ ભારે સ્‍વરૂપ ધારણ કર્યું છે.

સોશિયલ મીડિયા પર વાયરલ થઈ રહેલી તસવીરો અને વીડિયો દર્શાવે છે કે કેવી રીતે લોકો લોટની બોરી માટે મરવા માટે તૈયાર છે. અહેવાલ મુજબ, ઈસ્‍લામાબાદમાં ઘઉંનો દૈનિક વપરાશ ૨૦ કિલોગ્રામની ૩૮,૦૦૦ બેગ છે, પરંતુ અહીં કાર્યરત ૪૦ લોટ મિલોમાંથી ૨૧,૦૦૦ બેગની સપ્‍લાય કરવામાં આવી રહી છે. હવે લોટની કિંમતની વાત કરીએ તો પાકિસ્‍તાનના અંગ્રેજી અખબાર ધ એક્‍સપ્રેસ ટ્રિબ્‍યુનના અનુસાર રાવલપિંડીના માર્કેટમાં લોટની કિંમત ૧૫૦ રૂપિયા પ્રતિ કિલો સુધી પહોંચી ગઈ છે..

પાકિસ્‍તાનની સરકારી તિજોરી ઝડપથી ખાલી થઈ રહી છે અને તેના પર કાબુ મેળવવા માટે સરકારે લીધેલા તમામ પગલાં અપૂરતા સાબિત થઈ રહ્યા છે. લોટ ઉપરાંત, જો તમે અન્‍ય આવશ્‍યક ચીજોની યાદી જુઓ છો જે લોકોની પહોંચની બહાર જઈ રહી છે, દૂધ ૧૫૦ રૂપિયા પ્રતિ લિટર અને ચોખા ૧૪૭ રૂપિયા પ્રતિ કિલોના ભાવે વેચાઈ રહ્યા છે. રોટલીની સાથે પાકિસ્‍તાનીઓની થાળીમાંથી ચિકન પણ ગાયબ થઈ રહ્યું છે. કઠોળના ભાવ પણ આસમાને છે, તેથી પાકિસ્‍તાનમાં જે લોકો તાજા ફળોનો સપ્‍લાય કરે છે તેઓ પોતે ફળો મેળવી શકતા નથી. આર્થિક સંકટ વચ્‍ચે ડુંગળી પણ પાકિસ્‍તાનના લોકોને રડાવવાનું કામ કરી રહી છે. ગયા વર્ષે દેશમાં માત્ર ૩૭ રૂપિયા પ્રતિ કિલોના ભાવે વેચાતી ડુંગળી હવે ૨૨૦ રૂપિયા પ્રતિ કિલો સુધી વેચાઈ રહી છે. દેશનો વિદેશી હૂંડિયામણનો ભંડાર ઝડપથી ઘટી રહ્યો છે.

દેશ આવશ્‍યક ચીજવસ્‍તુઓની આયાત પર પણ નિર્ભર બની રહ્યો છે. શ્રીલંકાની જેમ પેટ્રોલ-ડીઝલની માંગ પૂરી કરવામાં અસમર્થ જણાય છે. સ્‍થિતિ એ છે કે ઈંધણની અછત વચ્‍ચે દેશમાં પેટ્રોલ અને ડીઝલના ભાવ આસમાને પહોંચી રહ્યા છે. પાકિસ્‍તાનમાં સ્‍થિતિ ખરાબથી ખરાબ થઈ ગઈ છે. અહીંથી જે તસવીરો અને વીડિયો સામે આવી રહ્યા છે તે જોઈને એવું લાગે છે કે જાણે કોઈ દેશ ભયંકર દુષ્‍કાળમાંથી પસાર થઈ રહ્યો છે, પરંતુ આ શરીફ સરકારની ખોટી નીતિઓનું પરિણામ છે. અહીં મોંઘવારી એટલી વધી ગઈ છે કે ૫ રૂપિયામાં મળતું બિસ્‍કિટ ૫૦ રૂપિયામાં વેચાઈ રહ્યું છે….

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/JaNtfP7Okw09RVWit8eWD1

ફટાકડા ફોડવા પર પ્રતિબંધની જનતા પર કોઇ અસર નહીં..: દિલ્હીમાં એરક્વોલિટી 326 સાથે વધુ ખરાબ કેટેગરીમાં પહોંચી, ગયા વર્ષની દિવાળી કરતા પ્રદૂષણ ઓછું…

દિલ્હીમાં આ વર્ષે પણ દિવાળી ઉપર ફટાકડા ફોડવા પર પ્રતિબંધ મુકવામાં આવ્યો હતો, જોકે તેમ છતા અનેક વિસ્તારોમાં મોટા પ્રમાણમાં નિયમોનો ભંગ કરીને ફટાકડા ફોડવામાં આવ્યા હતા. જેને પગલે દિલ્હી અને આસપાસના વિસ્તારોમાં પ્રદુષણ અચાનક જ વધી ગયું હતું અને એરક્વોલિટી સાવ ખરાબ કેેટેગરીમાં પહોંચી ગઇ હતી. જોકે ગયા વર્ષે દિવાળી બાદ જે પ્રકારે પ્રદુષણ વધ્યું હતું તેના કરતા આ વર્ષે પ્રમાણ ઘટયું હતું…

મંગળવારે સવારે દિલ્હીમાં એર ક્વોલિટી ઇન્ડેક્સ (એક્યુઆઇ) ૩૨૬ હતો, જ્યારે દિલ્હી નજીકના શહેરો જેમ કે ગાઝિયાબાદમાં એક્યુઆઇ ૨૮૫, નોઇડામાં ૩૨૦, ગ્રેટર નોઇડામાં ૨૯૪, ગુરુગ્રામમાં ૩૧૫, ફરિદાબાદમાં ૩૧૦ રહ્યો. એટલે કે દિલ્હીમાં એરક્વોલિટી સૌથી ખરાબ રહી. જેનું એક મુખ્ય કારણ દિવાળીના દિવસે અને રાત્રે ફોડવામાં આવેલા ફટાકડા માનવામાં આવે છે…

એરક્વોલિટીની કેટેગરી પર નજર કરીએ તો એક્યુઆઇ ૦થી ૫૦ હોય તો સારી કેટેગરી, ૫૧થી ૧૦૦ હોય તો સંતોષકારક, ૧૦૧થી ૨૦૦ હોય તો મધ્ય, ૨૦૧થી ૩૦૦ હોય તો ખરાબ અને ૩૦૧થી ૪૦૦ હોય તો વધુ ખરાબ જ્યારે ૪૦૧થી ૫૦૦ હોય તો અત્યંત ખરાબ માનવામાં આવે છે. તેથી હાલ દિલ્હીની એરક્વોલિટી ૩૨૬ રહી જે વધુ ખરાબ કેગેટરીમાં આવે છે. દિલ્હીમાં સરકાર દ્વારા ફટાકડા ફોડવા પર પ્રતિબંધ મુકવામાં આવ્યો હતો, જોકે પ્રતિબંધ છતા અનેક વિસ્તારોમાં દિવાળીની રાત્રે મોટી સંખ્યામાં લોકોએ ફટાકડા ફોડયા હતા.

અન્ય રાજ્યો પર પણ પ્રદુષણની અસર જોવા મળી રહી છે. જેમ કે પંજાબ અને હરિયાણાના અનેક વિસ્તારોમાં એરક્વોલિટી ખરાબથી અત્યંત ખરાબ કેટેગરીમાં રહી હતી. આ ડેટા સેન્ટ્રલ પોલ્યૂશન કન્ટ્રોલ બોર્ડ દ્વારા આપવામાં આવ્યા હતા. ખાસ કરીને હરિયાણાના ગુરુગ્રામ અને પંજાબના લુધિયાણામાં સ્થિતિ વધુ ખરાબ જોવા મળી હતી.

વધુ સમાચારો ઝડપથી અને સત્ય સાથે મેળવવા માટે ” ચક્રવાત ન્યુઝ ” સાથે જોડાઓ….

નિચેની લિંક પર ક્લિક કરી અમારી સાથે જોડાઓ અને આ લિંકને તમારા વિસ્તારના દરેક ગ્રુપમાં share કરો….

https://chat.whatsapp.com/Caugn0J3CfLIgMBhvNsup0

સામાન્ય રીતે કોઈપણ થિયેટર કે મલ્ટિપ્લેક્સમાં 100 રૂપિયાની આસપાસ કે તેથી વધુ ટિકિટનો ભાવ લેવામાં આવે છે, ત્યારે આ વર્ષે નેશનલ સિનેમા દિવસે એટલે કે 16મી સપ્ટેમ્બરે દેશના મોટા-મોટા મલ્ટિપ્લેક્સમાં માત્ર રૂ.75માં જ મૂવીની ટિકિટ આપવામાં આવશે. મલ્ટિપ્લેક્સ એસોસિએશન ઓફ ઇન્ડિયાએ આ વર્ષે અનોખી રીતે ઉજવણી કરવાની જાહેરાત કરી છે…

મલ્ટિપ્લેક્સ એસોસિએશન ઓફ ઇન્ડિયાએ ટ્વીટર પર આ જાણકારી આપતા લખ્યું હતું કે…

માત્ર 75 રૂપિયાની જ ટિકિટ આપીને થિયેટર્સ નેશનલ સિનેમા દિવસની ઉજવણી એકસાથે કરશે. નેશનલ સિનેમા દિવસે દેશના 4000થી વધુ સ્ક્રિનો આમાં ભાગ લેશે. તેમાં પીવીઆર, આઇનોક્સ, સિનેપોલ્સ, કાર્નિવલ, મિરાજ, સિટીપ્રાઇડ, એસિયન, મુક્તા, એ-2, મૂવી ટાઇમ, વેવ, એમ-2-કે, ડિલાઇટ અને અન્ય ઘણી સ્ક્રિન સામેલ છે….

કોરોનાકાળ બાદ સફળ રીતે થિયેટર્સના રિઓપનિંગ માટે દર્શકોને થેન્ક્યૂ કહેવા માટે નેશનલ સિનેમા દિવસની આ રીતે ઉજવણી કરવામાં આવી રહી છે. ઉલ્લેખનીય છે કે, કોરોનાકાળ બાદ થિયેટર્સમાં લોકો બહુ ઓછા જાય છે. ત્યારે થિયેટર્સ માલિકોની ગાડી પાટે લાવવા માટે આ અનોખો નુસખો અપનાવવામાં આવ્યો છે. આટલી ઓછી કિંમત રાખી લોકોને આકર્ષવાનો પ્રયોગ કરવામાં આવ્યો છે.

આ ઉજવણીમાં ભાગ લેનારા 4000થી વધુ થિયેટર્સમાં એક દિવસનું ડિસ્કાઉન્ટ આપવામાં આવશે. આ ઉપરાંત એસોસિએશને એ પણ જણાવ્યું છે કે જે થિયેટર્સ આ ઉજવણીમાં ભાગ લેશે તે તેમના સોશિયલ મીડિયા હેન્ડ્લ્સ પર પણ આ ડિસ્કાઉન્ટની જાહેરાત કરશે.

સિનેમા દિવસ પર સૌથી સસ્તા ભાવે ટિકિટ વેચવાની શરૂઆત અમેરિકાએ કરી હતી. 3 સપ્ટેમ્બરના દિવસે અમેરિકામાં રાષ્ટ્રીય સિનેમા દિવસ ઉજવવામાં આવે છે. ત્યારે આ વર્ષે અમેરિકાએ કોઈપણ ફિલ્મની ટિકિટ 3 ડોલર જ ભાવ રાખી દર્શકોને આકર્ષવાનો તખ્તો તૈયાર કર્યો હતો. હવે અમેરિકા બાદ ભારતમાં પણ આ નુસખો વાપરવામાં આવશે. જેમાં માત્ર 75 રૂપિયામાં જ મૂવી ટિકિટ મળશે…..

વધુ સમાચારો ઝડપથી અને સત્ય સાથે મેળવવા માટે ” ચક્રવાત ન્યુઝ ” સાથે જોડાઓ….

નિચેની લિંક પર ક્લિક કરી અમારી સાથે જોડાઓ અને આ લિંકને તમારા વિસ્તારના દરેક ગ્રુપમાં share કરો….

https://chat.whatsapp.com/K5fTG3Y1GPH96hFtRmTNso