બે દિવસમાં મહત્તમ તાપમાન 5 ડિગ્રી ગગડતાં દિવસે ઠંડીનું જોર વધ્યું…

અમદાવાદ સહિત રાજ્યના મોટાભાગના વિસ્તારોમાં છેલ્લા ત્રણ દિવસથી શિયાળાની ઠંડીએ જમાવટ કરી છે. દિવસ દરમિયાન શહેરમાં ઠંડો પવન ફૂંકાતા કાતીલ ઠંડીની શરૂઆત થઈ ચુકી છે. અમદાવાદ સહિત રાજ્યના 10થી વધુ શહેરોમાં મહત્તમ તાપમાન 27 ડિગ્રી અથવા તેનાથી પણ નિચુ નોંધાયુ હતુ. બીજી તરફ કચ્છના નલિયામાં હાડ થિજવતી ઠંડી શરૂ થઈ છે. નલિયામાં શુક્રવારે લઘુત્તમ તાપમાન ગગડીને 4.9 ડિગ્રી નોંધાયુ હતુ. નલિયામાં બે દિવસ પહેલા લઘુત્તમ તાપમાન 10.2 ડિગ્રી હતુ અમે 5.3 ડિગ્રી જેટલો પારો ગગડયો છે. અમદાવાદમાં લઘુત્તમ તાપમાન 13.8 ડિગ્રી નોંધાયુ હતુ….

હવામાન ખાતા દ્વારા પ્રસિદ્ધ કરાયેલી વિગતો મુજબ આજે ડીસામાં લઘુત્તમ તાપમાન 11.5 ડિગ્રી અને પાટનગર ગાંધીનગરમાં 13.4 ડિગ્રી નોંધાયું હતું. લઘુત્તમ તાપમાનની સાથે સાથે મહત્તમ તાપમાનનો પારો પણ ગગડયો હોવાથી દિવસે ઠંડીનો અહેસાસ થવા લાગ્યો છે. અમદાવાદ શહેરમાં મહત્તમ તાપમાન 27 ડિગ્રી, ડીસામાં 25, ગાંધીનગરમાં 27, ઓખામાં 26.4, નલિયામાં 27.2 ડિગ્રી તાપમાન નોંધાયુ હતું….

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/JaNtfP7Okw09RVWit8eWD1

આગામી તા. 25/12/22, રવિવારના રોજ સવારે 9:30 થી 4 વાગ્યા સુધી ગાયત્રી પરિવાર વાંકાનેર દ્રારા એક દિવસીય યુવા ઉત્કર્ષ શિબિર ડિસેમ્બર 2022નું ગાયત્રી શક્તિપીઠ વાંકાનેર ખાતે આયોજન કરવામાં આવ્યું છે. જેમાં યુવાનો અને યુવતીઓમાં છુપાયેલી શક્તિને જાગૃત કરી વિદ્યાર્થીઓને ઉજ્જવળ કારકિર્દી અને સંસ્કારી અને વ્યસન મુક્ત યુવાનોથી સુશોભિત સમાજ નિર્માણ કરવાના પ્રયાસો આ શિબિરમાં કરવામાં આવશે.

આ શિબિરમાં 15 થી 45 વર્ષ સુધી ના દરેક યુવાન યુવતીઓ કોઈ પણ ચાર્જ વગર નિઃશુલ્ક ભાગ લઈ શકશે. જેના માટે તા.23/12/2022ને શુક્રવારે સાંજે 6 વાગ્યા સુધી રજીસ્ટ્રેશન કરવા માટે જણાવવામાં આવ્યું છે. આ રજીસ્ટ્રેશન માટે ગાયત્રી પરિવારના સભ્યો રાહુલ જોબનપુત્રા મો. 9265066096, રસિકભાઈ પંડ્યા મો. 987901948, ઇલાબેન સચાણીયા મો. 7990643667 પર સંપર્ક કરવા યાદીમાં જણાવાયું છે….

વાંકાનેર વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/JaNtfP7Okw09RVWit8eWD1

રીબડામાં ગેંગવોરના ડરે પોલીસના ધાડેધાડા ઉતર્યા, અનિરુદ્ધસિંહના પુત્ર સામે ગુનો નોંધવા તજવીજ : ત્રણ ગામના પાટીદારો ગોંડલ દોડી ગયા…

વિધાનસભાની ચૂંટણીમાં ગોંડલ બેઠક હાઇવોલ્ટેજ બની હતી અને ચૂંટણી વખતે ગોંડલ અને રીબડા જૂથ વચ્ચે લોહિયાળ જંગ ખેલાવાની દહેશત વર્તાતી હતી પરંતુ ચૂંટણી શાંતિપૂર્ણ રીતે પૂર્ણ થઇ હતી, જોકે ટિકિટના મુદ્દે શરૂ થયેલી આ દુશ્મનાવટ હવે રંગ બતાવી રહી છે, મંગળવારે રીબડામાં પાટીદાર સમાજે પૂર્વ ધારાસભ્ય જયરાજસિંહ જાડેજાને કાર્યક્રમમાં બોલાવ્યા હતા, જેનો પડઘો બુધવારે પડ્યો હતો. રીબડામાં અનિરુદ્ધસિંહના પુત્ર રાજદીપે અમિત ખૂંટ નામના યુવકના લમણે બંદૂક રાખી ધમકાવ્યો હતો…

આ ઉપરાતં અન્ય પાટીદારોને પણ રીબડા જૂથે મારકૂટ કરતા સાંજ પડતા માહોલ ગરમાયો હતો અને પાટીદારોનું ટોળું એકઠું થઇ ગયું હતું અને ગોંડલ જયરાજસિંહ પાસે દોડી ગયું હતું, ગોંડલમાં જ અમિત ખૂંટની ફરિયાદ પરથી પોલીસે રાજદીપ સહિતના સામે ગુનો નોંધવાની કવાયત શરૂ કરી હતી તો જયરાજસિંહે વળતો પ્રહાર કરતા ગુરુવારે સાંજે રીબડામાં મહાસંમેલનની જાહેરાત કરતાં રીબડામાં ભારેલા અગ્નિ જેવી સ્થિતિ સર્જાઇ ગઇ છે, જેના કારણે ચાંપતો પોલીસ બંદોબસ્ત ગોઠવી દેવાયો છે…

રીબડા સરદાર પટેલ ગ્રૂપ દ્વારા મંગળવારે રીબડામાં સ્નેહમિલનનું આયોજન કરવામાં આવ્યું હતું અને તેમાં પૂર્વ ધારાસભ્ય જયરાજસિંહ જાડેજાને બોલાવવામાં આવ્યા હતા, ચૂંટણીમાં ગીતાબા જાડેજાની જીત બાદ જયરાજસિંહની રીબડામાં એન્ટ્રી થઇ હતી, જયરાજસિંહે પણ પોતાના પ્રવચનમાં રીબડા જૂથને આડે હાથ લઇ આગામી દિવસોમાં તેમની પિપૂડી બંધ કરાવી દેવાની ચીમકી આપી હતી. જયરાજસિંહને રીબડામાં બોલાવી તેમનું સન્માન કરાતા રીબડા જૂથ ઉશ્કેરાયું હતું અને બુધવાર સવારથી રીબડા જૂથે આયોજકો પૈકીના યુવકો અને વૃદ્ધોને ધમકાવવાનું શરૂ કર્યું હતું, રીબડા અનિરુદ્ધસિંહના પુત્ર રાજદીપે પાટીદાર યુવક અમિત ખૂંટને લમણે બંદૂક રાખી બંદૂકના ખુંદા તેની છાતીમાં ફટકાર્યા હતા અને જયરાજસિંહને બોલાવવા બદલ તેને ધમકાવ્યો હતો…

રીબડા જૂથે અનેક વ્યક્તિઓને ધમકાવતા સાંજે 7 વાગ્યે રીબડા, ગુંદાસરા અને સડક પીપળિયા ગામના પાટીદારો એકઠા થઇ ગયા હતા અને રીબડા જૂથના આતંક સામે રોષ ઠાલવ્યો હતો, પાટીદારો ટોળે વળતાં રીબડામાં માહોલ તંગ થઇ ગયો હતો, ઘટનાની જાણ થતાં જિલ્લા પોલીસવડા રાઠોડ અને પોલીસના ધાડા સ્થળ પર ઉતરી ગયા હતા, બીજીબાજુ ત્રણેય ગામના પાટીદારો રેલી સ્વરૂપે ગોંડલ જયરાજસિંહના બંગલે દોડી ગયા હતા…

અમિત ખૂંટે પોતાની સાથે રાજદીપે કરેલી ધમાલની વાત વર્ણવી હતી, તેમજ અન્ય પાટીદારોએ પણ રીબડા જૂથ વિરુદ્ધ રજૂઆત કરી હતી, રાજદીપે કરેલા કરતૂત અંગે પોલીસ ફરિયાદ કરવાનો નિર્ણય લેવાયો હતો, તો રીબડા જૂથને સતત પડકારતા રહેલા જયરાજસિંહ જાડેજાએ ગુરુવારે સાંજે 7 વાગ્યે રીબડામાં મહાસંમેલનની જાહેરાત પોતાના બંગલેથી જ કરી દીધી હતી. જયરાજસિંહ દ્વારા રીબડામાં મહાસંમેલનની જાહેરાતને પગલે રાજકીય માહોલ ગરમાઇ ગયો હતો, પોલીસે રાજદીપ સહિતનાઓ સામે ગુનો નોંધવાની અને તેને સકંજામાં લેવાની કવાયત શરૂ કરી હતી…

આપણાં વિસ્તારની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/JaNtfP7Okw09RVWit8eWD1

બનાવની પ્રાપ્ત વિગતો મુજબ મોરબી સર્કીટ હોઉસ પાસે રહેતા અલ્તાફભાઈ દિલાવરભાઈ નામનો યુવાન મોરબી સમકાંઠે વિસ્તારમાં રહેતી એક વિધવા માતાની 14
વર્ષની દીકરીને આ શખ્સ છેલ્લા ત્રણ મહિનાથી રસ્તામાં હેરાન કરી છેડતી કરતો હોય જેથી આનાથી કંટાળી આખરે સગીરાએ પોતાની આપવીતી તેની માતાને જણાવતા બાબતે તેણીની માતાએ હિંમત કરી આ શખ્સ સામે મોરબી પોલીસમાં ફરિયાદ નોંધાવી છે….

ગુજરાતની 182 સીટોમાથી ભાજપની 156 બેઠકો પર જીત, જ્યારે કોંગ્રેસ 17 અને AAP માત્ર 5 બેઠકોમાં સમેટાયા…

ભાજપે ગુજરાતમાં અત્યારસુધીના ઇતિહાસની સૌથી મોટી જીત મેળવી છે. ભાજપને 182 બેઠકો માંથી 156 બેઠકો પર જીત મળી છે. જ્યારે કોંગ્રેસને 17 આમ આદમી પાર્ટીને 5 બેઠકો પર ચૂંટણી જીતી શકી છે. એક તરફ ભાજપનું ગુજરાત વિધાનસભામાં આ અત્યાર સુધીનું સૌથી સારું પ્રદર્શન છે તો બીજી બાજુ કોંગ્રેસનું સૌથી ખરાબ પ્રદર્શન પણ છે. એવામાં કોંગ્રેસના નેતાઓનું માનવું છે કે તેમને આમ આદમી પાર્ટી અને અસદુદ્દીન ઓવૈસીની પાર્ટી AIMIMને કારણે વધારે નુકશાન થયું છે. જો કોંગ્રેસના વોટ AAP અને AIMIMમાં ન વહેંચાયા હોત તો પરિણામો કઈક જુદા આવ્યા હોત. ત્યારે, સમજવાનો પ્રયાસ કરીએ લે જો ભાજપમાં AAP અને AIMIMને મળેલ વોટ જો કોંગ્રેસને મળ્યા હોત તો પરિણામો શું આવ્યા હોત…..

ચૂંટણી પંચના સત્તાવાર આંકડાઓ મુજબ, ભાજપને આ ચૂંટણીમાં 52.5% વોટ મળ્યા છે. તો, આ વખતે કોંગ્રેસને 27.3 % વોટ મળ્યા છે. જ્યારે આમ આદમી પાર્ટીને 12.9% વોટ મળ્યા છે અને AIMIMને 0.29% વોટ મળ્યા છે. એટલે જો સમગ્ર રાજ્યની સરેરાશ વૉટની વાત કરવામાં આવે તો કોંગ્રેસ AAP અને AIMIMને કુલ 49.49% વોટ મળ્યા છે….

ચૂંટણીના પરિણામો પર નજર કરીએ તો AAP અને AIMIMને કારણે કોંગ્રેસને મુસ્લિમ બહુમતી વાળી બેઠકો પર ચોક્કસ નુકશાન પહોંચાડ્યું છે. રાજકીય જાણકારોના મત મુજબ, ઘણી બેઠકો પર મુખ્ય વિપક્ષના મતની ટકાવારી પહેલાંની સરખામણીમાં ઘણી ઘટી છે. કારણ કે આ બેઠકો પર AAP અને AIMIMના ઉમેદવારોને ઘણા વોટ મળ્યા છે. વાસ્તવમાં, ગુજરાતમાં કોંગ્રેસ પાર્ટી મુસ્લિમ મતદારોની પહેલી પસંદ રહી છે. ખાસકરીને 2002ના રમખાણો બાદ. પરંતુ આ વખતે ન માત્ર AAP અને AIMIMની એન્ટ્રી બાદ મત વહેંચાઈ ગયા પરંતુ ભાજપને ઐતિહાસિક જીત પણ મળી…

ભાજપે આ ચૂંટણીમાં એક પણ મુસ્લિમ ઉમેદવાર નહોતો ઉતાર્યો. આ સાથે જ કોંગ્રેસે 6 મુસ્લિમ ઉમેદવારોને ટિકિટ આપી હતી. જ્યારે AAPએ 3 મુસ્લિમ ઉમેદવારોને ટિકિટ આપી હતી. AIMIM આ વખતે ગુજરાતમાં 13 સીટો પર ચૂંટણી લડી રહી હતી. પાર્ટીએ આમાંથી 12 બેઠકો પર મુસ્લિમ ઉમેદવારોને ઉતાર્યા હતા. જો કે તેણે એક પણ બેઠક પર સફળતા ન મળી. જ્યારે, AAPને 5 બેઠકો મળી છે. પરંતુ એવી ઘણી બેઠકો છે જ્યાં બંને પક્ષોએ કોંગ્રેસને નુકસાન પહોંચાડ્યું…

દરિયાપુર બેઠક પર કોંગ્રેસને મોટું નુકશાન…

મુસ્લિમ બહુમતી ધરાવતી દરિયાપુર બેઠક કોંગ્રેસનો ગઢ માનવામાં આવતો હતો. પરંતુ, અહીં કોંગ્રેસના વર્તમાન ધારાસભ્ય ગ્યાસુદ્દીન શેખની ભાજપના કૌશિક જૈન સામે હાથ થઈ છે. ગ્યાસુદ્દીન શેખને 55,847 મત મળ્યા હતા. જ્યારે ભાજપના જૈનને 61,090 મળ્યા હતા. પરંતુ ખાસ વાત એ છે કે અહીં AAPને 4,164 વોટ મળ્યા અને AIMIMને 1,771 વોટ મળ્યા. એટલે કે જો બંનેના મતો ભેગા કરવામાં આવે તો કોંગ્રેસના ઉમેદવાર ગ્યાસુદ્દીન શેખ સરળતાથી ચૂંટણી જીતી શક્યા હોત…

જમાલપુર ખાડિયા બેઠક પર કપાયા કોંગ્રેસના વોટ …

જમાલપુર ખાડિયા બેઠક પર કોંગ્રેસના ઈમરાન ખેડાવાલા સતત ત્રીજી વખત જીત્યા છે. પરંતુ આ વખતે તેમને 2017 કરતા ઓછા વોટ મળ્યા છે. ઈમરાનને 2017માં 75,000 વોટ મળ્યા હતા, જ્યારે આ વખતે તેમને 58,487 વોટ મળ્યા હતા. AIMIMના ગુજરાત પ્રદેશ પ્રમુખ સાબીર કાબલીવાલાને આ સીટ પર 15,677 વોટ મળ્યા છે. જ્યારે 5,887 મત AAPના ખાતામાં ગયા…

વાંકાનેર બેઠક પર આપના કારણે કોંગ્રેસની હાર…

વાંકાનેર બેઠક કોંગ્રેસનો ગઢ ગણાતી હતી જેમાં છેલ્લી ત્રણ ટર્મથી કોંગ્રેસના ઉમેદવાર મહંમદજાવીદ પીરઝાદા આ બેઠક પર વિજેતા થતાં હતાં જેમાં આ વખતે આપ ફેક્ટરના કારણે તેમને 19,955 મતોથી હારનો સામનો કરવો પડ્યો છે, જેમાં આ વખતે કોંગ્રેસના ઉમેદવારને 60,722 મતો, આપના ઉમેદવારને 53,485 મતો અને ભાજપના ઉમેદવારને 80,677 મતો મળ્યા હતા, જેમાં આપ અને કોંગ્રેસના મતો એક કરવામાં આવે તો ખુબ મોટા માર્જીનથી ભાજપે આ બેઠક ગુમાવી પડી હોત…

બાપુનગરમાં વધી ગયું વોટનું અંતર..

બાપુનગર બેઠકની વાત કરીએ તો અહી કોંગ્રેસના સીટિંગ MLA હિંમત સીન પટેલની ચૂંટણીમાં હાર થઈ છે. તેમને ભાજપના ઉમેદવાર દિનેશ સિંહએ 12,070 વોટથી હાર આપી હતી. અહી AAP અને સમાજવાદી પાર્ટીના મુસ્લિમ ઉમેદવારોએ કોંગ્રેસ અને ભાજપ વચ્ચેના વૉટના અંતરને વધારી દીધું હતું. અહી AAPને 6384 જ્યારે સપાના ઉમેદવારને 3671 વોટ મળ્યા છે…

માંગરોળ બેઠક પર બદલાઈ ગયું હોત પરિણામ…

માંગરોળ બેઠક પર કોંગ્રેસના બે વખતના ધારાસભ્ય બાબુભાઈ વાઝા ભાજપના લાખાભાઈ સામે 22501 મતોથી હારી ગયા. અહીં AAPને 34,314 વોટ મળ્યા અને AIMIMને 10,789 વોટ મળ્યા. જો મતનું વિભાજન ન થયું હોત તો આ બેઠક પર પણ પરિણામ અલગ આવી શક્યું હોત….

દાણીલીમડા બેઠક પર ઘટ્યું જીતનું માર્જિન…

મુસ્લિમ-દલિત પ્રભુત્વ ધરાવતી દાણીલીમડા બેઠક પર કોંગ્રેસના ધારાસભ્ય શૈલેષ પરમાર 13,525 મતોથી જીત્યા. અહીં ભાજપના નરેશભાઈ વ્યાસને 55,381 મત મળ્યા જ્યારે કોંગ્રેસના ઉમેદવાર શૈલેષ પરમારને 68,906 મત મળ્યા. જ્યારે અહીં AAP ઉમેદવારને 22,934 અને AAPના કૌશિકા પરમારને 2,464 મત મળ્યા હતા…

ગોધરામાં વધ્યું જિતનું માર્જિન…

ગુજરાતની સૌથી લોકપ્રિય બેઠક ગોધરામાં ભાજપના ઉમેદવાર સી. કે. રાઉલજીએ કોંગ્રેસના રશ્મિતાબેન ચૌહાણ સામે 35,198 મતોથી જીત મેળવી. રાઉલજીને 96,223 વોટ મળ્યા જ્યારે કોંગ્રેસના ઉમેદવાર રશ્મિતાબેન ચૌહાણને 61,025 વોટ મળ્યા. જ્યારે 2017માં ભાજપે આ સીટ 358 વોટથી જીતી લીધી હતી. આ વખતે અહીં AAPના ઉમેદવાર રાજેશભાઈ પટેલને 11,827 વોટ મળ્યા, જ્યારે AIMIMને 9,508 વોટ મળ્યા. એટલે કે જો AAP અને AIMIM વચ્ચે વોટ કપાયા ન હોત તો બીજેપીની જીતનું માર્જિન ઓછું હોત….

વાંકાનેર વિસ્તારની ચુંટણીની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/F0IiNebWazC3CSJDdTR4TP

હાલ લગ્નની સિઝનમાં દિકરીના કરીયાવર માટે ખરીદો બોસ કંપનીની હોમ એપ્લાઈન્સની વસ્તુઓ અને મેળવો અઢળક ઓફરોનો લાભ….

વાંકાનેર શહેર ખાતે ઈલેક્ટ્રોનિક્સ આઈટમોના વિશાળ શો-રૂમ અરીના ઈલેક્ટ્રોનિક્સ દ્વારા હાલ લગ્નની સિઝનમાં દિકરીના કરીયાવર માટે પોતાના ગ્રાહકો માટે વિશેષ ઓફર લોન્ચ કરવામાં આવી છે, જેમાં બોસ કંપનીની હોમ એપ્લાઈન્સની વસ્તુઓ જેવી કે બ્લેન્ડર, મીક્ષર, ઈસ્ત્રી, જ્યુસર, ટોસ્ટર, ઓટીજી સહિતની વસ્તુઓ પર 40% સુધી ઇન્સ્ટન્ટ ડિસ્કાઉન્ટ ઓફરોનો લાભ આપવામાં આવી રહ્યો છે….

• દિકરીના કરીયાવરની ખરીદી પર 40% સુધીનું ડિસ્કાઉન્ટ…

• રૂ. ૫,૦૦૦થી ઉપરની ખરીદી પર ડ્રોની ટીકીટ ફ્રી…

• રૂ. ૫,૦૦૦થી ઉપરની ખરીદી પર શ્યોર ગીફ્ટ ફ્રી…

• બજાજ, એચ.ડી.બી. ફાયનાન્સ સાથે ખરીદી પર મેળવો 0% વ્યાજ અને રૂ. 0 ડાઉન પેમેન્ટ સાથે એકદમ સરળ હપ્તા…

 • અરીના ઈલેક્ટ્રોનિક્સ • 

પ્રગતિ કોમ્પલેક્ષ, પહેલા માળે, પીર મશાયખ હોસ્પિટલ સામે, ધરમ ચોક, સીટી સ્ટેશન રોડ, વાંકાનેર

• કસ્ટમર કેર નંબર •

87586 84586
97250 99133
97252 54255

બીજા તબક્કામાં, બાકીની 93 બેઠકો પર મતદાન થશે, જેના માટે ભાજપ, કૉંગ્રેસ અને નવી ચૂંટણી પ્રવેશ કરનાર આમ આદમી પાર્ટી (AAP) સહિત 61 રાજકીય પક્ષોમાંથી 833 ઉમેદવારો મેદાનમાં છે. રાજ્યના મુખ્ય ચૂંટણી અધિકારીની ઑફિસ દ્વારા જણાવ્યા મુજબ, આ ઉમેદવારોમાં 285 અપક્ષોનો પણ સમાવેશ થાય છે. ભાજપ અને અરવિંદ કેજરીવાલની આગેવાનીવાળી AAP તમામ 93 બેઠકો પર ચૂંટણી લડી રહી છે. કૉંગ્રેસ 90 બેઠકો પર ચૂંટણી લડી રહી છે અને તેની સહયોગી રાષ્ટ્રવાદી કૉંગ્રેસ પાર્ટી (NCP) એ બે બેઠકો પર ઉમેદવાર ઊભાં રાખ્યાં છે. અન્ય પક્ષોમાં, ભારતીય ટ્રાઇબલ પાર્ટી (BTP) એ 12 અને બહુજન સમાજ પાર્ટી (BSP) 44 ઉમેદવારોને મેદાનમાં ઉતાર્યા છે….

બીજા તબક્કાના મુખ્ય મંત્રી ભૂપેન્દ્ર પટેલના ઘાટલોડિયા (અમદાવાદ શહેરમાં), વિરમગામ બેઠક (અમદાવાદ જિલ્લામાં) જ્યાંથી પાટીદાર નેતા હાર્દિક પટેલ ભાજપની ટિકિટ પર લડી રહ્યા છે અને ગાંધીનગર દક્ષિણ બેઠક પરથી અલ્પેશ ઠાકોર પણ ભાજપના ઉમેદવાર તરીકે લડી રહ્યા છે. આ બેઠકો પર આ ઉમેદવારોના પ્રદર્શન અને તેમને મળનારા મત પર ખાસ નજર રહેશે. આ ઉપરાંત, દલિત નેતા જિજ્ઞેશ મેવાણી બનાસકાંઠા જિલ્લાની વડગામ બેઠક પરથી કૉંગ્રેસના ઉમેદવાર તરીકે ચૂંટણી લડી રહ્યા છે, અને ગુજરાત વિધાનસભામાં વિરોધ પક્ષના નેતા સુખરામ રાઠવા છોટા ઉદેપુર જિલ્લાના જેતપુરથી ઉમેદવાર છે. ભાજપના બળવાખોર નેતા મધુ શ્રીવાસ્તવ વડોદરા જિલ્લાની વાઘોડિયા બેઠક પરથી અપક્ષ ઉમેદવાર તરીકે ચૂંટણી લડી રહ્યા છે….

વાંકાનેર વિસ્તારની ચુંટણીની પળે પળની અપડેટ્સ અને તાજા સમાચાર મેળવા માટે ચક્રવાત ન્યુઝ સાથે જોડાઓ….

અમારા WhatsApp ગ્રુપમાં જોડાવા માટે નિચેની લિંક પર ક્લિક કરો…..

https://chat.whatsapp.com/DNb8wXSjSI38V6051lLQI4

આપ માંથી રાજીનામું આપી ઈન્દ્રનીલ રાજ્યગુરૂ ફરી કોંગ્રેસમાં જોડાયા…

સૌરાષ્ટ્રમાં આમ આદમી પાર્ટીને બહુ મોટો ફટકો લાગ્યો છે, સૌરાષ્ટ્રના કદાવર નેતા ઈન્દ્રનીલ રાજ્યગુરૂએ આમ આદમી પાર્ટીમાંથી રાજીનામું આપીને પુનઃ કોંગ્રેસમાં સામેલ થયા છે. થોડા મહિના પહેલા જ ઈન્દ્રનીલ આમ આદમી પાર્ટીમાં જોડાયા હતા. ગુજરાત કોંગ્રેસ પ્રભારી રઘુ શર્મા શર્મા, જગદીશ ઠાકોર અને સુખરામ રાઠવાએ ઈન્દ્રનીલ રાજ્યગુરૂને કોંગ્રેસનો કેસ પહેરાવીને પુન: સ્વાગત કર્યુ હતું….

હજુ તો ગુજરાતમાં આમ આદમી પાર્ટીએ (AAP) પોતાનો પગદંડો જમાવ્યો નથી ત્યાં જ પાર્ટીમાં ભડકો શરુ થઈ ગયો છે. સૌરાષ્ટ્રમાં AAPનો જેની પર મોટો મદાર હતો તે ઈન્દ્રનીલ રાજ્યગુરુ છેડો ફાડીને કોંગ્રેસમાં પરત આવી ગયા છે. એટલું જ નહીં, AAPને અવસરવાદી અને ભાજપની બી ટીમ ગણાવતા ઈન્દ્રનીલે એવો પણ આક્ષેપ કર્યો હતો કે પાર્ટીમાં કોઈનું સાંભળવામાં આવતું નથી. તો બીજીતરફ AAPના સંગઠન મંત્રી રાજભા ઝાલાએ તો મીડિયાને ત્યાં સુધી જણાવ્યું હતું કે, પાર્ટીની નીતિ અવસરવાદી છે, રાજભા ઝાલા મરી જશે પણ કોઈના પગ નહીં પકડે…

આ અંગે ઈન્દ્રનિલ રાજ્યગુરૂએ મીડિયાને જણાવ્યું કે, ભાજપની જેમ આમ આદમી પાર્ટી પણ લોકોને મૂર્ખ બનાવી રહી છે માટે મેં કોંગ્રેસમાં ઘર વાપસી કરી છે. ભાજપની બી ટીમ બની ભાજપની સતા ફરી ટકી રહે માટે એ રીતે આમ આદમી પાર્ટી આયોજન કરી ટિકિટ ફાળવણી કરી રહી છે.ઉલ્લેખનીય છે કે ઈન્દ્રનીલ રાજ્યગુરુ ફરી કોંગ્રેસ પક્ષમાં પાર્ટીમાં જોડાયા બાદ તેના ટેકેદાર અને આમ આદમી પાર્ટીના રાજકોટ વિધાનસભા 71ના ઉમેદવાર વશરામ સાગઠિયા પણ ગમે તે ઘડીએ કોંગ્રેસમાં ઘરવાપસી કરે તેવી ચર્ચા પણ હાલ થઈ રહી છે.

વધુ સમાચારો ઝડપથી અને સત્ય સાથે મેળવવા માટે ” ચક્રવાત ન્યુઝ ” સાથે જોડાઓ….

નિચેની લિંક પર ક્લિક કરી અમારી સાથે જોડાઓ અને આ લિંકને તમારા વિસ્તારના દરેક ગ્રુપમાં share કરો….

https://chat.whatsapp.com/Caugn0J3CfLIgMBhvNsup0

એક્ટ ઓફ ગોડ નહીં, પરંતુ એક્ટ ઓફ ફ્રોડ બનાવોની તપાસના પરિણામ શૂન્ય : તક્ષશિલાકાંડમાં 14માંથી 13 આરોપી છૂટી ગયા…

મોરબીમાં ઝૂલતો પુલ તૂટી પડતાં 135 લોકોનાં કરુણ મોત નીપજ્યા છે. આટલી મોટી ગંભીર ઘટનામાં સરકાર ફરી એકવાર સંવેદનશીલતા, સહાય, તપાસ સમિતિ, કસુરવારોને નહીં છોડાય એવું રટણ કરી રહી છે. ચૂંટણી માથા પર છે એટલે હાલ વધુ ગંભીરતા દાખવવામાં આવી રહી છે પરંતુ સમય જતા અન્ય ઘટનાઓની જેમ આ ઘટના પણ કાગળોમાં રહી જશે. સાચા કસૂરવારો હાથમાં નહીં આવે. સુરતના તક્ષશિલાથી લઇને બોટાદ-બરવાળાના લઠ્ઠાકાંડ સહિતની ઘટનાઓમાં સરકારે આ જ રટણ કર્યું, સમિતિ બનાવી પણ મોટાં માથાં ખુલ્લેઆમ ફરી રહ્યાં છે….

અત્યાર સુધીની ઘટનાઓમાં સરકારે સમિતિઓ અને તપાસપંચ નીમ્યા છે. અનેકનાં વર્ષો સુધી રિપોર્ટ નથી આવ્યા જ્યારે જે સમિતિએ રિપોર્ટ સુપરત કર્યા છે, તેમાં સૂચવાયેલાં પગલાં લેવાની દરકાર સરકાર લેતી નથી. પરિણામે આવા રિપોર્ટ સચિવાલયમાં ફાઇલોના પોટલામાં કેદ થઈ જાય છે. રાજ્યની છેલ્લાં ત્રણ-ચાર વર્ષમાં બનેલી ઘટનાઓમાં હાલ શું સ્થિતિ છે તે જોઇએ…

૧). અમદાવાદ શ્રેય અને રાજકોટ ઉદય શિવાનંદ કોવિડ હોસ્પિટલમાં આગ…

ઓગસ્ટ 2020માં અમદાવાદની કોવિડ ડેડીકેટેડ શ્રેય હોસ્પિટલમાં આગ લાગતા 8 લોકોનાં મોત થયાં હતાં. નવેમ્બરમાં રાજકોટની ઉદય શિવાનંદ કોવિડ હોસ્પિટલમાં પણ આગ લાગતા 6 દર્દીનાં મોત થયાં હતાં. જેમાં સરકારે હાઇકોર્ટના નિવૃત્ત જસ્ટીસ ડી.એ.મહેતાની અધ્યક્ષતામાં તપાસ પંચ નીમ્યુ હતું. શ્રેય હોસ્પિટલના ટ્રસ્ટી ભરત મહંત સહિતના આરોપી જામીન પર મુક્ત છે….

૨). સુરત તક્ષશિલા અગ્નિકાંડ…

મે 2019માં સુરતના તક્ષશિલા આર્કેડમાં આગ લાગતા 22 વિદ્યાર્થીના મોત થયા હતા. સરકારે કોઈને છોડાશે નહીં એવી ખાતરી આપી હતી. જે બનાવમાં ધરપકડ કરાયેલા 14 પૈકી 13 આરોપીઓ જામીન પર છૂટી ગયા છે. માત્ર કોચિંગ ક્લાસ સંચાલક જેલમાં છે. સસ્પેન્ડેડ 6 અધિકારી- કર્મચારી નોકરી પર પરત ફર્યા છે…

૩). બોટાદ- બરવાળા લઠ્ઠાકાંડ…

બોટાદ જિલ્લાના ગ્રામ્ય વિસ્તારમાં કેમિકલયુક્ત દારૂ પીવાથી 55ના મોત થયા હતા. પોલીસે કંપનીના ડાયરેક્ટરોના નામ એફઆઇઆરમાં દાખલ કર્યા ન હતા. જેમાં કેમિકલ કંપનીના મુખ્ય સંચાલક સમીર પટેલ સહિતના ડાયરેક્ટરો સામે કોઇ પગલાં નહીં. સાઇડ પોસ્ટિંગ પરના IPSને તાજેતરમાં રેગ્યુલર પોસ્ટિંગ આપી દેવાયું છે….

કોઇપણ ઘટના બને ત્યારે જનઆક્રોશને ધ્યાને લઇને સરકાર દ્વારા તાત્કાલિક તપાસ કમિટી કે પંચની રચના કરી દેવામાં આવે છે. તટસ્થ તપાસ અને કડક કાર્યવાહીના નિવેદનો કરવામાં આવે છે. પરંતુ સમિતિ કે પંચ દ્વારા થતી તપાસ એટલી ધીમી હોય છે કે જ્યારે તેનો રિપોર્ટ આવે ત્યારે મામલો ઠંડો પડી જતો હોય છે. જેથી સરકાર રિપોર્ટના આધારે કોઇ પગલાં લેતી નથી…

વધુ સમાચારો ઝડપથી અને સત્ય સાથે મેળવવા માટે ” ચક્રવાત ન્યુઝ ” સાથે જોડાઓ….

નિચેની લિંક પર ક્લિક કરી અમારી સાથે જોડાઓ અને આ લિંકને તમારા વિસ્તારના દરેક ગ્રુપમાં share કરો….

https://chat.whatsapp.com/Caugn0J3CfLIgMBhvNsup0

જેમાં આરોપી દયા૨ામભાઈ પુજાભાઈ ડાભી ત૨ફથી મોરબી જીલ્લાના પ્રખ્યાત યુવા ધારાશાસ્ત્રીશ્રી જીતેન ડી. અગેચાણીયા રોકાયેલ જેમણે આરોપી તરફે દલીલ કરવામાં આવેલી કે, આરોપીનો કોઈ ગુનાહીત ઈતીહાસ નથી, આરોપીએ આવો કોઈજ પ્રકારનો ગુનો કરેલ નથી, પોલીસે અમારી વીરુધ્ધ ખોટો ગુનો દાખલ કરી ખોટી રીતે અટક કરેલ છે. આરોપી પાસેથી કોઈ રકમ રીકવર કરવામાં આવેલ નથી. આરોપી નાસી ભાગી જાય તેમ નથી.

જે તમામ હકીકત ધ્યાને લઈ જામીન પર મુક્ત ક૨વા દલીલ ક૨વામા આવી હતી, જેમાં બન્ને પક્ષની તમામ દલીલોને ધ્યાને લઈ આરોપી પક્ષની દલીલ માન્ય રાખી કોર્ટે આરોપીના શરતી જામીન મંજૂર કર્યા હતા. આ કામમાં આરોપી તરફે મોરબી જીલ્લાના યુવા ધારાશાસ્ત્રી શ્રી જીતેન અગેચાણીયા, પ્રતીક બી. બારોટ, શ્રી દીલીપ અગેચાણીયા, જે. ડી સોલંકી, હીતેશ પટેલ, રવી ચાવડા રોકાયેલા હતા….